પાકિસ્તાનમાં મોંઘવારી, આતંકવાદી હુમલાના ઓછાયા હેઠળ આ તારીખે ચૂંટણી યોજાશે

• પાકિસ્તાનમાં બે દિવસ પહેલા પેટ્રોલમાં 14 રૂપિયાનો વધારો ઝીંકાયો
  
• પીઓકેમાં વીજકાપને લઈ લોકો રસ્તા પર ઉતરી આવી વિરોધ નોંધાવ્યો
  
• પાકિસ્તામાં સતત વધતી મોંઘવારીથી જનતા ત્રસ્ત

પાડોશી દેશ પાકિસ્તામાં એક તરફ મોંઘવારીએ માઝા મુકી છે, જ્યારે બીજી બાજુ આતંકવાદી હુમલાઓની સતત ઘટના વચ્ચે આવતા ગુરુવારે પાકિસ્તામાં ચૂંટણી યોજાવાની છે. પાકિસ્તાનની પ્રજા સતત આતંક અને મોંઘવારીના પડમાં પીસાઈ રહી છે. આટલું ઓછું હોય તેમ વીજકાપ અને બે દિવસ પહેલા પેટ્રોલના લિટર દીઠ 14 રૂપિયા જેટલો વધારો પાકિસ્તાનની પ્રજાની કમરતોડી નાંખી છે. ચૂંટણીને લઈ તંત્રએ તડામાર તૈયારીઓ શરૂ કરી છે.

વચગાળાના મંત્રી એઝાઝે સુરક્ષા મિટિંગ પછી મીડિયા સાથે વાતચીત કરી હતી. જેમાં તેઓએ કહ્યું કે ખૈબર પખ્તૂનખ્વા અને બલૂચિસ્તાનમાં તાજેતરમાં થયેલા આતંકી હુમલા પછી ચૂંટણીઓ વિશે કોઈ શંકા ન હોવી જોઈએ. ભલે ગમે તે થાય.

 મહત્ત્વનું છે કે પાકિસ્તામાં જનરલ ચૂંટણીમાં હવે માત્ર એક અઠવાડિયું બાકી છે. આ દરમિયાન આતંકવાદી સંગઠનો દ્વારા સતત હુમલાનો વધતા ખતરાનો સામનો કરવી પડી રહ્યો છે. મોટાભાગે તો અફઘાનિસ્તાન સરહદ સાથે સંકળાયેલા બે પ્રાંતમાં લોકો ભયના ઓથાર હેઠળ છે. બુધવારે હિંસાગ્રસ્ત કેપીના બાજોર જિલ્લાના સિદ્દિકબાદ વિસ્તારમાં અજાણ્યા બંદૂકધારીઓએ રેહાનજેન ખાનની હત્યા કરી હતી.

જેલમાં બંધ પૂર્વ વડાપ્રધાન ઈમરાન ખાનની પાકિસ્તાન તહેરિક-એ-ઈન્સાફ પાર્ટીએ જાહેર કર્યું છે કે તે નેશનલ એસેમ્બલી માટે માર્યા ગયેલા ઉમેદવારોને ટેકો આપી રહ્યા છે. તેઓની હત્યા બલૂચિસ્તાનના સિબી શહેરમાં પીટીઆઈની રેલીમાં બોમ્બ વિસ્ફોટમાં ચાર લોકોનાં મોત અને છ ઈજાગ્રસ્ત થયાના એક દિવસ પછી આવી છે.