- નાઈટ્રોજનથી મોતનો યુનોએ પણ વિરોધ કર્યો હતો
- અમેરિકાની કોર્ટે આરોપીને ફટકારી સજા
- હત્યાના દોષિત કેનેથ યુજીન સ્મિથને નાઈટ્રોજન ગૅસ અપાતા મોતને ભેટયો
દુનિયામાં આ પહેલીવાર બન્યું છે જ્યારે કોઈ ગુનેગારને નાઈટ્રોજનનો ઉપયોગ કરીને મારવામાં આવ્યો હોય. અમેરિકાના અલાબામા રાજ્યમાં હત્યાના દોષિત કેનેથ યુજીન સ્મિથને નાઈટ્રોજન ગૅસનો ઉપયોગ કરીને મોતની સજા ફટકારવામાં આવી હતી. કેનેથ સ્મિથ, 58,ને ગુરુવારે રાત્રે 8:25 વાગ્યે મૃત જાહેર કરવામાં આવ્યો હતો. દુનિયામાં આ પહેલી ઘટના છે કે ગુનેગારને મારવા આવી નાઈટ્રોજન ગૅસ સુંઘાડીને મોત કરાયું હતો. દોષિત કેનેથ યુજીનને નવેમ્બર 2022માં જ તેને ઝેરી ઈન્જેક્શન આપીને મૃત્યુદંડ આપવામાં આવવાનું હતું, પરંતુ તે સમયે સ્મિથની હાથની નસ મળી ન હતી. આખરે તેનું ડેથ વોરંટ સસ્પેન્ડ કરવામાં આવ્યું. બાદમાં તેને નાઈટ્રોજન ગૅસથી મોતની સજા જાહેર કરી હતી.
યુનોનો વિરોધ છતાં મોતની કરૂણ સજા
14 મહિના પછી, 25 જાન્યુઆરીની રાત્રે, તેની મૃત્યુદંડની સજા ફરીથી અમલમાં મૂકવામાં આવી. કેનેથ સ્મિથની હત્યા નાઈટ્રોજન ગૅસ માસ્ક પહેરીને કરવામાં આવી હતી. સંયુક્ત રાષ્ટ્રે તેની નિંદા કરી છે. યુનાઈટેડ નેશન્સે તેને માનવાધિકાર વિરુદ્ધ જાહેર કર્યું. આટઆટલો વિરોધ છતાં અમેરિકા આ પદ્ધતિનો આખરે અમલ કરીને જંપી.
પાદરીને તેની પત્નીની હત્યા કરવા માટે રાખવામાં આવ્યો હતો
કેનેથ સ્મિથ 1988 માં એક મહિલાની હત્યાના દોષિત ત્રણ પુરુષોમાંના એક હતા. એક પાદરીએ કેનેથ અને તેના પાર્ટનરને તેની પત્ની એલિઝાબેથની હત્યા કરવા માટે રાખ્યા. બદલામાં બંનેએ પાડી પાસેથી એક હજાર ડોલર લીધા હતા. બંનેએ પહેલા એલિઝાબેથ પર ચાકુ વડે હુમલો કર્યો હતો. આ પછી પણ જ્યારે તેનું મોત ન થયું તો તેને માર મારવામાં આવ્યો. હત્યાના એક અઠવાડિયા પછી એલિઝાબેથના પતિએ પણ આત્મહત્યા કરી લીધી.
પોલીસે સ્મિથને ફાંસી આપી અને તેના પાર્ટનરને આજીવન કેદની સજા આપી
હત્યા બાદ પોલીસે આ કેસની તપાસ કરી અને સ્મિથ અને તેના પાર્ટનર સામે કેસ દાખલ કર્યો. કોર્ટે બંનેને દોષિત ઠેરવ્યા હતા. ભાગીદારને આજીવન કેદ અને કેનેથને મૃત્યુદંડની સજા ફટકારવામાં આવી હતી. નવેમ્બરમાં સ્મિથને ઝેરી ઈન્જેક્શન આપીને મારી નાખવાનો પ્રયાસ કરવામાં આવ્યો હતો. પરંતુ નસ ન હોવાના કારણે ઈન્જેક્શન આપી શકાયું ન હતું. આ પછી તેનું ડેથ વોરંટ સસ્પેન્ડ કરવામાં આવ્યું હતું. ફરી એકવાર, 25 જાન્યુઆરીએ, અમેરિકન રાજ્ય અલાબામાના વહીવટીતંત્રે સ્મિથને નાઇટ્રોજન ગૅસ આપીને મૃત્યુદંડની સજા ફટકારી.
નાઇટ્રોજન લેવાની ફરજ પડી
જેલના અધિકારીઓ દ્વારા જારી કરવામાં આવેલા પ્રોટોકોલમાં સ્મિથને અલાબામાના એટમોરમાં એક રૂમમાં ટુવાલ સાથે બાંધવામાં આવ્યો હતો. આ પછી તેને માસ્ક પહેરાવવા માટે બાંધવામાં આવ્યો હતો. જેમાં નાઈટ્રોજન ગૅસ વહી રહ્યો હતો. સ્મિથે શ્વાસ લીધો અને ગૂંગળામણથી મૃત્યુ પામ્યા કારણ કે, નાઇટ્રોજન તેના ફેફસામાં પ્રવેશી ગયો હતો.
