ઈઝરાયલી સૈન્ય પર ફરી હમાસના આતંકવાદીઓનો હુમલો, 24 સૈનિકોને મોતને ઘાટ ઉતાર્યા

• ઈઝરાયલી સૈન્યના જવાનો હણાયા
  
• ફરી ગાઝા પટ્ટીમાં ઘાતક હુમલો
  
• ઈઝરાયલ કોઈ કાળે પાછળ નહીં હટે

ઈઝરાયલ અને હમાસ વચ્ચે છેલ્લા ત્રણ મહિના કરતાં વધુ સમયથી ભીષણ યુદ્ધ ચાલી રહ્યું છે એ દરમિયાન બુધવારની સાંજે દક્ષિણ અને મધ્ય ગાઝા પટ્ટીમાં એક ઘાતક લડાઈમાં 24 સૈનિકોનાં મોત થયા છે. ઈઝરાયલના વડાપ્રધાન બેંઝામિન નેતન્યાહૂએ ગાઝામાં સૌથી ઘાતક હુમલામાં સૈનિકોના મોત પર શોક વ્યક્ત કર્યો છે. અને જણાવ્યું કે ઈઝરાયલની સેના જીત થાય ત્યાં સુધી લડતી રહેશે.

સોશિયલ મીડિયા પ્લેટફોર્મ એક્સ પર એક પોસ્ટમાં નેતન્યાહૂએ કહ્યું કે યુદ્ધની શરૂઆત પછી બુધવારની સાંજનો દિવસ સૌથી ખરાબ દિવસોમાંનો એક હતો. ગાઝામાં ઈઝરાયલી સૈન્યની સૌથી મોટી ક્ષતિ પહોંચી છે. તેમને જણાવ્યું કે સેના એ હુમલાની તપાસ કરશે જેમાં એક આતંકવાદીએ એક ટેંક પર રોકેટથી ચાલતા ગ્રેનેડ ફેંકયા જેનાથી વિસ્ફોટ થયો અને ધ્વસ્ત થયેલી બે ઈમારતના કાટમાળમાં દટાઈ ગયા. સંરક્ષણ મંત્રીએ કહ્યું કે તેએ આ કઠોર અને પીડાદાયક સવારમાં મૃતકોના પરિવારની સાથે છે, પરંતુ ઈઝરાયલ પાછળ નહીં હટે.

અત્યાર સુધી આટલાં લોકોનાં થયા મોત

ગાઝાના આરોગ્ય અધિકારી અનુસાર, ઈઝરાયલના બોમ્બમારા અને હુમલાથી 25 હજાર કરતાં વધુ ગાઝાવાસીઓનાં મોત થયા છે. સાત ઑક્ટોબરથી થયેલા સતત હુમલામાં 1200 ઈઝરાયલીઓનાં મોત થયા છે. સૈન્યનું કહેવું છે કે ત્યારબાદ થયેલા હુમલામાં 210 સૈનિકો માર્યા ગયા છે.