- વિશ્વમાં દર એક વ્યક્તિ એક વર્ષમાં 79 કિલો રાશનનો બગાડ કરે છે
- વિશ્વના મોટાભાગના દેશો ભૂખમરાનો સામનો કરી રહ્યા છે
- આખી દુનિયામાં 78 કરોડથી વધુ વસ્તી ભૂખમરાનો સામનો કરી રહી છે
વિશ્વના મોટાભાગના દેશો ભૂખમરાનો સામનો કરી રહ્યા છે. પરંતુ તમને જાણીને નવાઈ લાગશે કે વર્ષ-2022માં વૈશ્વિક સ્તરે કુલ ખાદ્ય ઉત્પાદનનો 19 ટકા વેડફાટ થયો હતો. આ કુલ અનાજમાંથી અંદાજે 1.05 અબજ ટન છે. દુનિયાએ મળીને આટલો બધો ખોરાક બગાડ્યો છે. જો આ અનાજનો બગાડ ન થયો હોત તો કરોડો લોકોને ભૂખમરાથી બચાવી શકાયા હોત. સંયુક્ત રાષ્ટ્રના એક રિપોર્ટમાં આ માહિતી આપવામાં આવી છે.
ગુરુવારે પ્રકાશિત થયેલ યુએન એન્વાયર્નમેન્ટ પ્રોગ્રામનો ફૂડ વેસ્ટ ઈન્ડેક્સ રિપોર્ટ વર્ષ-2030 સુધીમાં ખાદ્ય કચરાને અડધો કરવા માટે દેશોની પ્રગતિ પર નજર રાખે છે. યુએનએ જણાવ્યું હતું કે 2021 માં પ્રથમ અહેવાલ પછી ઈન્ડેક્સ માટે રિપોર્ટિંગ કરનારા દેશોની સંખ્યા લગભગ બમણી થઈ ગઈ છે. 2021ના અહેવાલનો અંદાજ છે કે 2019માં વૈશ્વિક સ્તરે ઉત્પાદિત 17 ટકા ખોરાક અથવા 931 મિલિયન ટનનો બગાડ થયો હતો. પરંતુ ઘણા દેશોના પર્યાપ્ત ડેટાના અભાવને કારણે લેખકોએ સીધી સરખામણીઓ સામે ચેતવણી આપી હતી.
વિશ્વમાં દર એક વ્યક્તિ એક વર્ષમાં 79 કિલો રાશનનો બગાડ કરે છે
આ અહેવાલ UNEP અને વેસ્ટ એન્ડ રિસોર્સીસ એક્શન પ્રોગ્રામ (WRAP), એક આંતરરાષ્ટ્રીય ચેરિટી દ્વારા સહ-લેખિત છે. સંશોધકોએ ઘરો, ફૂડ સર્વિસ અને રિટેલર્સ પરના દેશના ડેટાનું વિશ્લેષણ કર્યું. તેઓએ જોયું કે દરેક વ્યક્તિ વાર્ષિક આશરે 79 કિલોગ્રામ (લગભગ 174 પાઉન્ડ) ખોરાકનો બગાડ કરે છે, જે વિશ્વભરમાં દરરોજ ઓછામાં ઓછી એક અબજ ફૂડ પ્લેટની બગાડની સમકક્ષ છે. આવો મોટાભાગનો કચરો - 60 ટકા - ઘરોમાંથી આવે છે. ફૂડ સર્વિસ અથવા રેસ્ટોરન્ટનો આમાં લગભગ 28 ટકા હિસ્સો છે, જ્યારે રિટેલર્સનો હિસ્સો 12 ટકા છે.
78 કરોડથી વધુ વસ્તી ભૂખમરાનો સામનો કરી રહી છે
વિશ્વમાં જ્યારે કરોડો લોકો ભૂખમરાનો સામનો કરી રહ્યા છે ત્યારે અનાજનો આટલો મોટો બગાડ થઈ રહ્યો છે. યુએન દ્વારા જાહેર કરાયેલા અહેવાલના સહ-લેખક ક્લેમેન્ટાઈન ઓ'કોનોરે જણાવ્યું હતું કે, "આ એક જટિલ સમસ્યા છે, પરંતુ સહકાર અને પ્રણાલીગત પગલાં દ્વારા, તેનો સામનો કરી શકાય છે." આ અહેવાલ એવા સમયે આવ્યો છે જ્યારે વિશ્વભરના 783 મિલિયન લોકો ભારે ભૂખનો સામનો કરી રહ્યા છે અને ઘણી જગ્યાએ ખાદ્યપદાર્થોની કટોકટી વધી રહી છે.
