India Pakistan War: પાડોશી દેશમાં 48 કલાક પેટ્રોલ-ડીઝલ પંપ બંધ રાખવા આદેશ

પહેલગામ હુમલા બાદ પાકિસ્તાન પર શરૂ કરાયેલા "ઓપરેશન સિંદૂર"થી પાકિસ્તાનમાં ખળભળાટ છે. અહીં રાજધાની ઇસ્લામાબાદમાં, પેટ્રોલ પંપોને આગામી 48 કલાક માટે બંધ રાખવાનો નિર્દેશ આપવામાં આવ્યો છે. ઇસ્લામાબાદ કેપિટલ ટેરિટરી એડમિનિસ્ટ્રેશને આદેશ આપ્યો છે. જેમાં આગામી બે દિવસ સુધી પેટ્રોલ અને ડીઝલ પંપ બંધ રાખવા જણાવ્યુ છે. આ નિર્ણય તાત્કાલિક અસરથી લાગુ કરવામાં આવ્યો છે. આ આદેશ પાછળ કોઈ સત્તાવાર સમજૂતી નથી.

ઇંધણ પંપ બંધ રાખવાનું કારણ શું છે?

પેટ્રોલ પંપ બંધ કરવાનું મુખ્ય કારણ દેશમાં ઇંધણ પુરવઠા અંગેની ચિંતા હોઈ શકે છે. એવી આશંકા છે કે મર્યાદિત સ્ટોકને નિયંત્રિત કરવા અને લોકો દ્વારા ગભરાટમાં ખરીદી અથવા સંગ્રહખોરીને રોકવા માટે આ પગલું લેવામાં આવ્યું છે. આદેશ મુજબ, હાલ ઇસ્લામાબાદમાં ખાનગી વાહનો, જાહેર પરિવહન અને વ્યાપારી પ્રવૃત્તિઓ માટે કોઈ બળતણ ઉપલબ્ધ રહેશે નહીં.

સામાન્ય જનતા પરેશાન થશે

પાકિસ્તાન સરકાર દ્વારા લેવામાં આવેલા આ નિર્ણયની સીધી અસર સામાન્ય લોકો પર પડશે, કારણ કે આગામી 48 કલાક સુધી ખાનગી વાહનો, જાહેર પરિવહન અને વ્યવસાયિક પ્રવૃત્તિઓને પેટ્રોલ મળશે નહીં, જેના કારણે રોજિંદા કાર્યો કરવામાં મુશ્કેલી પડશે.

કારણ સ્પષ્ટ નથી!

પાકિસ્તાન સરકારે એરસ્પેસ બંધ થવા અને પેટ્રોલ પંપ બંધ થવા વચ્ચે કોઈ સીધી કડીનો ઉલ્લેખ કર્યો નથી. પરંતુ આવા સમયે, આ ઘટનાઓ અને પદ્ધતિઓ જોઈને અંદાજ લગાવી શકાય છે કે પાકિસ્તાન આંતરિક અને બાહ્ય સુરક્ષાને લઈને ચિંતા અને દબાણ હેઠળ છે.

ઓપરેશન સિંદૂરની સફળતાથી પાકિસ્તાન ડરી ગયું છે

ભારતની જવાબી કાર્યવાહીમાં પાકિસ્તાનમાં સ્થિત 9 આતંકવાદી ઠેકાણાઓને નિશાન બનાવવામાં આવ્યા હતા. આનો જવાબ આપવા માટે પાકિસ્તાને ભારત પર ડ્રોન હુમલાઓની ગતિ વધારી દીધી છે. જોકે, ભારતીય સેના દ્વારા તેમના દરેક પ્રયાસને નિષ્ફળ બનાવવામાં આવ્યા છે. બંને દેશો વચ્ચે વધતા તણાવ વચ્ચે ઇસ્લામાબાદમાં ઇંધણ સંકટ ભય અને અનિશ્ચિતતાનું વાતાવરણ પેદા કરી શકે છે.