- PM બેન્જામિન નેતન્યાહુએ અમેરિકી રાષ્ટ્રપતિ સાથે યુદ્ધની સ્થિતિને લઇ કરી વાત
- PM નેતન્યાહુએ પેલેસ્ટાઈનના ઉગ્રવાદી સંગઠન હમાસને ISI સાથે સરખાવ્યું
- હમાસના હુમલા સામે મક્કમતાથી વળતો જવાબ આપી રહ્યા છીએ: PM નેતન્યાહુ
હમાસ સાથે ચાલી રહેલા યુદ્ધ વચ્ચે ઈઝરાયેલના PM બેન્જામિન નેતન્યાહુએ પેલેસ્ટાઈનના ઉગ્રવાદી સંગઠન હમાસને આઈએસઆઈએસ કરતા પણ વધુ ખરાબ ગણાવ્યું છે.
ઇઝરાયેલ અને હમાસ વચ્ચે યુદ્ધ યથાવત છે. બન્ને તરફથી ઘમાસાણ વિમાની હુમલા થઇ રહ્યા છે. તે દરમિયાન ઈઝરાયેલના PM બેન્જામિન નેતન્યાહુએ પેલેસ્ટાઈનના ઉગ્રવાદી સંગઠન હમાસને ISI કરતા પણ વધુ ડેન્જર્સ ગણાવ્યું હતું. નોંધનીય છે કે આ પહેલા ઈઝરાયેલના PM બેન્જામિન નેતન્યાહુએ અમેરિકી રાષ્ટ્રપતિ જો બાઇડન સાથે વાતચીત દરમિયાન હમાસના હુમલા અંગે માહિતી આપી હતી. ઈઝરાયેલે આ ફોન કોલનો વીડિયો પણ જાહેર કર્યો છે. ઈઝરાયેલ અને હમાસ વચ્ચેના સંઘર્ષ પર અમેરિકા નજર રાખી રહ્યું છે. તેમજ અમેરિકી રાષ્ટ્રપતિ જો બિડેને ખુલ્લેઆમ ઈઝરાયેલને સમર્થન આપ્યું છે. તે જાણીતું છે કે સંઘર્ષની શરૂઆત પછી બંને નેતાઓએ ત્રીજી વખત ફોન પર વાત કરી હતી.
બાઇડને યુદ્ધની સ્થિતિ અંગે કરી વાત
11 ઓક્ટોબરના રોજ US PM બાઇડન સાથેની વાતચીત દરમિયાન, PM નેતન્યાહુએ કહ્યું, આપણે જે મુશ્કેલ પરિસ્થિતિનો સામનો કરી રહ્યા છીએ તેનું સાચું ચિત્ર હું તમારી સમક્ષ રજૂ કરવા માંગુ છું. શનિવારે અમારા પર હુમલો કરવામાં આવ્યો હતો અને હું કહી શકું છું કે મને લાગે છે કે અમે સુરક્ષિત છીએ. હોલોકોસ્ટ પછી આવું કંઈ જોયું નથી.
નેતન્યાહુએ ધમકી આપી છે
આ પહેલા મંગળવારે નેતન્યાહૂએ કહ્યું હતું કે ઈઝરાયેલે આ યુદ્ધ શરૂ કર્યું નથી, પરંતુ તેનો અંત ચોક્કસપણે કરશે. ઇઝરાયેલની સેનાએ બુધવારે કહ્યું કે શનિવારે થયેલા હુમલામાં અત્યાર સુધીમાં 1200 લોકોના મોત થયા છે અને 2700થી વધુ લોકો ઘાયલ થયા છે. આ સાથે જ ગાઝામાં ચાલી રહેલા ઈઝરાયેલ હુમલામાં મૃત્યુઆંક વધીને 1055 થઈ ગયો છે. પેલેસ્ટાઈનના સ્વાસ્થ્ય મંત્રાલયના જણાવ્યા અનુસાર ગાઝામાં અત્યાર સુધીમાં 1055 લોકો માર્યા ગયા છે અને 5100થી વધુ લોકો ઘાયલ થયા છે. શનિવારે હમાસના હુમલા બાદ ઈઝરાયેલ જવાબી કાર્યવાહી કરી રહ્યું છે. ઈઝરાયેલની સેનાના જણાવ્યા અનુસાર ગઈકાલે રાત્રે તેણે હમાસના બેસોથી વધુ ટાર્ગેટ પર હુમલો કર્યો હતો.
