- છેલ્લા 2 સપ્તાહથી હમાસ-ઇઝરાયેલ યુદ્ધ યથાવત
- હમાસ-ઇઝરાયેલ યુદ્ધને લઇ અનેક સૈનિકો ઉતર્યા મેદાનમાં
- UNની ઉચ્ચ સ્તરીય બેઠકમાં હમાસને પરાસ્ત કરવાને લઇ અનેક તર્ક-વિતર્ક
હમાસ-ઇઝરાયેલ યુદ્ધને લઇ અનેક સૈનિકો મેદાનમાં ઉતર્યા છે. સામસામે હવાઇ હુમલા થઇ રહ્યા છે. આ સાથે અન્ય દેશ પણ જમીન-ધર્મ મુદ્દાઓ પર જોર પકડ્યું છે. તેવામાં ઇઝરાયેલે હમાસના આતંકીઓને પકડાર ફેડ્યો છે. હવે હમાસના આતંકીઓની ખરે નથી. જ્યા પણ છૂપાઇને બેઠા હશે ત્યા ઇઝરાયેલ સૈનિકો શોધીને ખતમ કરશે.
ઇઝરાયેલે મંગળવારે UNની ઉચ્ચ સ્તરીય બેઠકમાં હમાસને ખતમ કરવાના તેના સંકલ્પને પુનરાવર્તિત કર્યો અને UNના વડા, પેલેસ્ટિનિયનો અને ઘણા દેશો દ્વારા યુદ્ધવિરામના આહ્વાનને નકારી કાઢ્યું છે. UNના વડાએ કહ્યું હતું કે, ગાઝામાં યુદ્ધ માત્ર તેમનું યુદ્ધ નથી પરંતુ "વિશ્વને આઝાદ કરવાનું યુદ્ધ છે. ઇઝરાયેલના વિદેશ મંત્રી એલી કોહેને 7 ઓક્ટોબરે ઇઝરાયેલ પર હમાસના અણધાર્યા હુમલા બાદ બદલો લેવા દેશને સંયમ રાખવા અપીલ કરી હતી. જોકે આ અપીલ નામંજૂર કરવામાં આવી હતી. ઇઝરાયેલ પર હમાસના હુમલામાં અત્યાર સુધીમાં લગભગ 1400 લોકો માર્યા ગયા છે. તે જ સમયે ગાઝાના આરોગ્ય મંત્રાલયના જણાવ્યા અનુસાર, આ વિસ્તારમાં 5,700થી વધુ પેલેસ્ટિનિયન નાગરિકો મૃત્યુ નીપજ્યા છે.
આ યુદ્ધના કારણે બન્ને દેશોના નાગરિકોને હાલાકી ભોગવવાનો વારો આવ્યો છે. આ યુદ્ધથી નિર્દોશ લોકો પીસાઇ રહ્યા છે. પરંતુ કાઉન્સિલની બેઠક શરૂ થયા બાદ ગાઝામાં ઈઝરાયેલ દ્વારા કરવામાં આવેલા હુમલામાં અનેક મકાનો જમીનદસ્ત થઈ ગયા હતા અને અનેક પરિવારો કાટમાળ નીચે દટાઈ ગયા હતા. ગુટેરેસે ભારપૂર્વક જણાવ્યું હતું કે નિયમોનું પાલન કરવું આવશ્યક છે. આવા ઘાતક હુમલાઓ પેલેસ્ટિનિયન લોકો સામે સામૂહિક શિક્ષાત્મક કાર્યવાહીને યોગ્ય ઠેરવી શકતા નથી. યુએનના વડાએ કહ્યું કે કોઈપણ સશસ્ત્ર સંઘર્ષમાં નાગરિકોનું રક્ષણ કરવું સર્વોપરી છે. હમાસનું નામ લીધા વિના, ગુટેરેસે કહ્યું કે, નાગરિકોનું રક્ષણ કરવાનો અર્થ ક્યારેય ન હોઈ શકે.
USએ ઇઝરાયેલમાં હમાસના હુમલા અને નાગરિકો સામેની હિંસાની નિંદા કરતો ઠરાવ અપનાવવા અને ઇઝરાયેલના સ્વ-બચાવના અધિકારની પુષ્ટિ કરવા દબાણ કરી રહ્યું છે. એવી અપેક્ષા હતી કે ઠરાવ પર મંગળવારે મતદાન થઈ શકે છે, પરંતુ રાજદ્વારીઓએ જણાવ્યું હતું કે તે હજુ પણ ચર્ચા હેઠળ છે. સંયુક્ત રાષ્ટ્રમાં રશિયાના રાજદૂત વેસિલી નેબેન્ઝિયાએ કાઉન્સિલને જણાવ્યું કે મોસ્કો અમેરિકાના પ્રસ્તાવને નકારી કાઢે છે અને તાત્કાલિક યુદ્ધવિરામની માંગ કરે છે. નેબેન્ઝિયાએ કહ્યું કે અમેરિકન પ્રસ્તાવમાં યુદ્ધવિરામનો કોઈ ઉલ્લેખ નથી, તેથી રશિયા તેના નવા પ્રસ્તાવનો ડ્રાફ્ટ આગળ મૂકી રહ્યું છે.
