- અમેરિકાના રાષ્ટ્રપતિએ હમાસની પુતિન સાથે કરી સરખામણી
- બંને દેશો પાડોશીઓની લોકશાહીને નષ્ટ કરવા ઈચ્છે છે
- અફઘાનિસ્તાનને ટેકો આપવા ભંડોળ માટે કોંગ્રેસને વિનંતી કરશે
જો બાઈડને રાષ્ટ્રને સંબોધનમાં કહ્યું હતું કે, "અમે એક મહાન રાષ્ટ્ર તરીકેની અમારી જવાબદારીના માર્ગમાં ભડકાઉ રાજનીતિને અવરોધવા દઈશું નહીં. અમે હમાસ જેવા આતંકવાદીઓને અને પુતિન જેવા સરમુખત્યારોને જીતવા દઈ શકીએ નહીં અને જીતવા પણ નહીં દઈએ "
લોકશાહીને સંપૂર્ણ રીતે નષ્ટ કરવા માંગે છેે
યુએસ પ્રમુખ જો બાઈડને વ્હાઇટ હાઉસની ઓવલ ઓફિસમાંથી એક સંબોધનમાં પેલેસ્ટિનિયન જૂથ હમાસ અને રશિયન પ્રમુખ વ્લાદિમીર પુતિન પર આકરા પ્રહારો કર્યા. તેમણે કહ્યું કે બંને દેશો પાડોશીઓ લોકશાહીને સંપૂર્ણ રીતે નષ્ટ કરવા માંગે છે. પ્રમુખ જો બાઈડને જાહેરાત કરી છે કે તેઓ યુક્રેન અને અફઘાનિસ્તાનને ટેકો આપવા માટે કોંગ્રેસ પાસેથી જંગી ભંડોળની વિનંતી કરશે. તેની પાછળનો તર્ક એવો હતો કે તે વૈશ્વિક નેતા તરીકે અમેરિકાના ભવિષ્યમાં રોકાણ હશે. તેમજ વધુમાં કહ્યું હતું કે "આ એક સ્માર્ટ રોકાણ છે જે પેઢીઓ માટે અમેરિકન સુરક્ષાને ડિવિડન્ડ ચૂકવશે."
ગાઝા પટ્ટીમાં પેલેસ્ટિનિયનો હજી પણ માનવતાવાદી સહાયની રાહ જોઈ રહ્યા છે, કારણ કે ઇઝરાયેલ હમાસ સંચાલિત વિસ્તાર પર બોમ્બમારો ચાલુ રાખે છે. તે જ સમયે, રાષ્ટ્રપતિ જો બિડેન અને ઇજિપ્તના રાષ્ટ્રપતિ અબ્દેલ ફતાહ અલ-સીસી દ્વારા કરવામાં આવેલા કરારમાં માનવતાવાદી સહાયનું વચન આપવામાં આવ્યું હતું. હમાસ સંચાલિત ગાઝા મંત્રાલયે દાવો કર્યો હતો કે ઇઝરાયેલના સતત હવાઈ હુમલાઓથી વિસ્થાપિત થયેલા ઘણા લોકો ગઈકાલે મોડી રાત્રે ચર્ચના કમ્પાઉન્ડમાં આશ્રય લેતા માર્યા ગયા હતા.
યુએસ પ્રમુખ જો બાઈડને અને ઇજિપ્તના રાષ્ટ્રપતિ અબ્દેલ ફતાહ અલ-સીસીએ આજે રફાહ ક્રોસિંગ દ્વારા સહાયની 20 ટ્રકોને મંજૂરી આપવા માટે એક કરાર કર્યો હતો. WHOએ આ કરારને "જરૂરિયાતના મહાસાગરમાં એક ડ્રોપ" ગણાવ્યો છે. તેમજ WHOના કટોકટી નિર્દેશક માઈકલ રેયાને કહ્યું. "તે 2,000 ટ્રક હોવા જોઈએ,"
ઈજિપ્તે સરહદ કરી બંધ
ગાઝા માટે મોકલવામાં આવેલી માનવતાવાદી સહાય ઇજિપ્તની સરહદ તરફ આગળ વધી રહી છે. ઇજિપ્ત કહે છે કે તેણે સરહદ બંધ કરી નથી, પરંતુ રફાહ ક્રોસિંગની પેલેસ્ટિનિયન બાજુ પર ઇઝરાયલી હવાઈ હુમલાના ચાર રાઉન્ડને કારણે તેને બંધ કરવાની ફરજ પડી હતી. ઑક્ટોબર 7ના રોજ હમાસના ઘાતક જમીન-દરિયાઈ-હવાઈ હુમલા બાદ, ઈઝરાયેલે ગાઝાને પાણી, ખોરાક, વીજળી અને ઈંધણનો પુરવઠો બંધ કરી દીધો. ઇઝરાયેલમાં હમાસના હુમલામાં 1,400 થી વધુ લોકો માર્યા ગયા હતા, જ્યારે ઇઝરાયેલના વડા પ્રધાન બેન્જામિન નેતન્યાહૂએ ગાઝામાં સેંકડો બાળકો સહિત લગભગ 3,500 લોકોની હત્યા કરીને પ્રતિક્રિયા આપી હતી.
રાષ્ટ્રપતિ બિડેને ગુરુવારે ગાઝા માટે 100 મિલિયન ડોલરની માનવતાવાદી સહાયની જાહેરાત કરી હતી. જર્મનીના વિદેશ પ્રધાન અન્નાલેના બેરબોકે જાહેરાત કરી છે કે જર્મની ગાઝા પટ્ટીમાં તબીબી ટીમો મોકલશે, નાગરિકો માટે 50 મિલિયન યુરોની સહાયનું વચન આપશે.
