Joe Biden: અમેરિકી રાષ્ટ્રપતિ જો બાઈડેન કોવિડ-19 પોઝિટિવ, આઈસોલેશનમાં રહીને કરશે કામ

• વ્હાઈટ હાઉસે રાષ્ટ્રપતિ જો બાઈડેન કોવિડ પોઝિટિવ હોવાની જાણકારી આપી
  
• રાષ્ટ્રપતિ જો બાઈડેને 100 દિવસ કામ કરવાની યોજના બનાવી
• જીવલેણ હુમલા બાદ લોકોમાં ટ્રમ્પ વધુ પ્રસિદ્ધ થવા લાગ્યા
  
  

જગત જમાદાર એવા અમેરિકાના રાષ્ટ્રપતિ જો બાઈડેનનો કોરોના ટેસ્ટ પોઝિટિવ આવ્યો છે. જેથી રાષ્ટ્રપતિની ચૂંટણીના અભિયાન પર થોડી બ્રેક લાગી છે. વ્હાઈટ હાઉસ પ્રવક્તાએ આ અંગેની જાણકારી આપી છે. લાસવેગાસમાં પોતાના પ્રથમ કાર્યક્રમ પછી કોરોના રિપોર્ટ પોઝિટિવ આવતા તેઓ ડેલાવેયર પરત આવશે અને પોતે આઈસેલોશનમાં જ કામ કરશે અને તમામ પ્રકારના નિયમોનું પાલન કરશે. આ અંગેની તમામ જાણકારી વ્હાઈટ હાઉસ નિયમિત અપડેટ આપશે.

જો બાઈડેન આઈસોલેશન દરમિયાન ઓફઇસના તમામ કામ ચાલુ રાખશે. એક સંગઠને જણાવ્યું કે જો બાઈડેન કોરોનાગ્રસ્ત હોવાથી એક નક્કી કાર્યક્રમમાં સંબોધિત નહીં કરી શકે. બાઈડેન કોરોના પોઝિટિવ આવતા ચૂંટણી અભિયાન પર અસર થઈ શકે છે.

ડેમોક્રેટ ઉમેદવાર જો બાઈડેન રિપબ્લિકન ઉમેદવાર અને પૂર્વ રાષ્ટ્રપતિ ડોનાલ્ડ ટ્રમ્પ વચ્ચે ગળાકાપ સ્પર્ધા છે. ગત ત્રણ દિવસ અગાઉ ડોનાલ્ડ ટ્રમ્પ પર થયેલા જીવલેણ હુમલા પછી તેઓને ઘણું સમર્થન મળી રહ્યું છે. આવામાં બાઈડેન વધુને વધુ પાછળ ધકેલાઈ શકે છે.જ્યારે બુધવારે બાઈડેને એક ઈન્ટરવ્યૂમાં પૂછાયું કે તેઓ રાષ્ટ્રપતિની ચૂંટણી રેસમાંથી બહાર હશે તો તેમને કહ્યું કે કોઈ તબીબ જો મને મારી મેડિકલ કંડિશન વિશે કહેશે તો હું રાષ્ટ્રપતિ ચૂંટણીની બહાર થવા વિશે વિચાર કરીશ. તેઓના આ નિવેદનથી આખા અમેરિકામાં ચકચાર મચી ગઈ છે.

 .બાઈડેને 100 દિવસ કામ કરવાની યોજના બનાવી

આ અગાઉ એક સંસ્થાના વાર્ષિક સંમેલનમાં સંબોધિત કરતા જો બાઈડેને જણાવ્યું કે ઉપરાષ્ટ્રપતિ કમલા હેરસને યુએસના રાષ્ટ્રપતિ થઈ શકે છે. જો કે બાઈડેને ભીડને કહ્યું તે તેઓ પોતાના બીજા કાર્યકાળના પ્રથમ 100 દિવસની યોજના પહેલાથી બનાવી લીધી છે.