યુદ્ધ વચ્ચે, ઈરાને હોર્મુઝ સ્ટ્રેટને યુદ્ધના મેદાનમાં ફેરવી દીધું છે. હવે, દેશે વિશ્વના તેલ પુરવઠા માટે માર્ગનો નિયંત્રણ લધો છે
ચીન તરફથી મોટો ફટકો પડ્યો ?
વિશ્વની બે સૌથી મોટી મહાસત્તાઓએ સર્વાનુમતે જાહેર કર્યું છે કે, હોર્મુઝ સ્ટ્રેટ અવિરત ઉર્જા પુરવઠા માટે કોઈપણ કિંમતે ખુલ્લો રહેવો જોઈએ. ચીને આ માર્ગના લશ્કરીકરણનો વિરોધ કર્યો છે એટલું જ નહીં, પરંતુ જહાજો પર ટોલ ટેક્સ વસૂલવાની ઈરાનની યોજનાને પણ નકારી કાઢી છે. શી જિનપિંગે હવે ઈરાન પરની તેની નિર્ભરતા ઘટાડવા માટે યોજના ઘડી છે. ટોલ ટેક્સ વસૂલવાનો આદેશ જારી કર્યો છે. દરમિયાન, ઈરાનને તેના સૌથી નજીકના મિત્ર ચીન તરફથી મોટો ફટકો પડ્યો છે.
ઉર્જાના વૈશ્વિક પુરવઠા પર અસર
રાષ્ટ્રપતિ ટ્રમ્પ અને ચીનના રાષ્ટ્રપતિ શી જિનપિંગ વચ્ચેની બેઠક બાદ વ્હાઇટ હાઉસે નિવેદન બહાર પાડ્યું છે. કહેવાયુ છે કે, બંને દેશો અનેક આર્થિક અને વ્યૂહાત્મક મુદ્દાઓ પર સંમત થયા છે. જ્યારે ચર્ચાઓ વેપાર, રોકાણ અને ડ્રગ હેરફેર અટકાવવા પર કેન્દ્રિત હતી. ત્યારે સૌથી વધુ ધ્યાન ખેંચનારો મુદ્દો ઉર્જા પુરવઠા અને હોર્મુઝ સ્ટ્રેટ અંગેનો કરાર હતો. બંને મહાસત્તાઓએ સંમતિ આપી છે કે તેલ અને ઉર્જાના વૈશ્વિક પુરવઠાને જાળવી રાખવા માટે હોર્મુઝ સ્ટ્રેટ કોઈપણ કિંમતે ખુલ્લું રહેવું જોઈએ.
કાચા સામાન અટકાવવા પર ભાર
આ બેઠક ફક્ત તેલ વિશે નહોતી. ટ્રમ્પે ચીનથી અમેરિકામાં ફેલાતી ફેન્ટાનાઇલ દવા માટે કાચા માલનો પુરવઠો અટકાવવા પર ભાર મૂક્યો હતો. બદલામાં, ચર્ચાઓ ચીનને અમેરિકન બજારમાં વધુ પ્રવેશ આપવા અને ચીની રોકાણને પ્રોત્સાહિત કરવા પર પણ કેન્દ્રિત હતી. વરિષ્ઠ અમેરિકન કોર્પોરેટ નેતાઓ પણ હાજર હતા. જે દર્શાવે છે કે આગામી દિવસોમાં અમેરિકા અને ચીન વચ્ચેના વેપાર સંબંધો નવો વળાંક લઈ શકે છે.
આ પણ વાંચોઃ પીએમ એવિકા સિલિનાએ રાજીનામું આપતા લાતવિયન રાજકારણમાં સર્જાયો ભૂકંપ