વિદેશ મંત્રાલયમાં પત્રકારો સાથે વાત કરતા, હુમાયુ કબીરે કહ્યું કે બાંગ્લાદેશના લોકો અને સરકાર સરહદી વાડથી ડરતા નથી.
બાંગ્લાદેશની પ્રતિક્રિયા આવી સામે
પશ્ચિમ બંગાળના નવા મુખ્યમંત્રી, સુવેન્દુ અધિકારીએ જાહેરાત કરી છે કે તેઓ ભારત-બાંગ્લાદેશ સરહદ પર વાડ કરવા માટે સરહદ સુરક્ષા દળને જમીન સોંપશે. આ પગલું ગેરકાયદેસર ઘૂસણખોરી અટકાવવા માટે ભાજપના ચૂંટણી વચનનો એક ભાગ છે. બાંગ્લાદેશે આ નિર્ણય પર કડક પ્રતિક્રિયા આપી છે. તેઓએ કહ્યુ છે કે, ભારતે સરહદી સુરક્ષા મુદ્દાઓ પર માનવતાવાદી અભિગમ અપનાવવો જોઈએ.
'વાણી-વર્તન અને શાસન વિવિધ બાબતો'
પશ્ચિમ બંગાળ સરકારના સરહદી વાડ બનાવવાના નિર્ણયનો ઉલ્લેખ કરતા, હુમાયુ કબીરે કહ્યું કે ચૂંટણી વાણી-વર્તન અને શાસન બે અલગ અલગ બાબતો છે. તેમણે કહ્યું કે બાંગ્લાદેશ જોશે કે નવી પશ્ચિમ બંગાળ સરકાર તેના રાજકીય વાણી-વર્તનને સરકારી નીતિમાં રૂપાંતરિત કરે છે કે નહીં. તેમણે કહ્યું કે, અમે તેમના ઘરેલુ રાજકારણમાં સામેલ થવા માંગતા નથી. અમારા સંબંધો મુખ્યત્વે કેન્દ્ર સરકાર સાથે છે.
સરહદ પર વાડ બાંધવી ભાજપનું વચનઃ પશ્ચિમ બંગાળ સીએમ
વિધાનસભા ચૂંટણીમાં ભાજપની પ્રચંડ જીતના થોડા દિવસો પછી, નબન્ના ખાતે યોજાયેલી પ્રથમ કેબિનેટ બેઠકની અધ્યક્ષતા કરતા સુવેન્દુ અધિકારીએ વાડ બનાવવાની જાહેરાત કરી હતી. તેમણે જણાવ્યું હતું કે ભારત-બાંગ્લાદેશ સરહદ પર વાડ બનાવવા માટે જરૂરી જમીન સંપૂર્ણપણે BSFને સોંપવામાં આવશે. બેઠક બાદ પત્રકારો સાથે વાત કરતા અધિકારીએ કહ્યું, આજે, અમારી પ્રથમ કેબિનેટ બેઠકમાં, જમીન BSFને ટ્રાન્સફર કરવાનો નિર્ણય લેવામાં આવ્યો હતો.
આ પણ વાંચોઃ ઈરાન અને અમેરિકા વચ્ચેનો પરમાણુ કરારનો અભાવ યુદ્ધવિરામ માટે જોખમરૂપ, જાણો કેવી રીતે?