હુમલાખોરે વિસ્ફોટકોથી ભરેલું વાહન આર્મી કેમ્પની સીમા દિવાલ સાથે અથડાવ્યું હતું. ત્યારબાદ અન્ય ત્રણ હુમલાખોરોએ અંધાધૂંધ ગોળીબાર કર્યો હતો.
તહરીક-એ-તાલિબાન પાકિસ્તાન આવ્યુ ચર્ચામાં
ઉત્તર વઝીરિસ્તાનમાં પાકિસ્તાની સેના પર આ ઘાતક હુમલો તહરીક-એ-તાલિબાન પાકિસ્તાનના વડા મુફ્તી નૂર વાલી મહેસુદે એક વીડિયો જાહેર કર્યાના એક દિવસ પછી જ થયો છે. TTPએ પાકિસ્તાની સુરક્ષા દળો પર હુમલો કરવા માટે વાહનથી ચાલતા આત્મઘાતી બોમ્બરનો ઉપયોગ કર્યો હતો. આ TTP ની હુમલાની રણનીતિમાં પરિવર્તન તેમજ પાકિસ્તાનમાં વધતી જતી આંતરિક સુરક્ષા કટોકટીનો સંકેત આપે છે.
અફઘાન સરહદ પર પાકિસ્તાનનું સંકટ
TTP બેનર હેઠળ હાફિઝ ગુલ બહાદુર જૂથનું ફરીથી સક્રિય થવું અફઘાન સરહદ પર પાકિસ્તાનના સંકટને વધુ વધારશે. ઉત્તર વઝીરિસ્તાનમાં લાંબા સમયથી સક્રિય હાફિઝ ગુલ બહાદુર જૂથ, ઊંડા લશ્કરી મૂળ ધરાવે છે અને હુમલાઓના નવા મોજાને વેગ આપી રહ્યું હોવાનું માનવામાં આવે છે. પાકિસ્તાને વારંવાર તાલિબાન પર આ જૂથોને આશ્રય આપવાનો આરોપ લગાવ્યો છે. તાલિબાને કોઈપણ જૂથને આશ્રય આપવાનો સ્પષ્ટ ઇનકાર કર્યો છે. તાલિબાનનું કહેવું છે કે TTP કાબુલના નિર્દેશન કે પરવાનગી હેઠળ નહીં, સ્વતંત્ર રીતે કાર્ય કરે છે.
