અમેરિકાના પ્રેસિડેન્ટ ડોનાલ્ડ ટ્રમ્પે કતારને સુરક્ષાની ગેરંટી આપનારા કાર્યકારી આદેશ પર હસ્તાક્ષર કર્યા છે. આ આદેશમાં એવુ કહેવામાં આવ્યું છે કે, કતારની સુરક્ષા માટે અમેરિકા તમામ જરૂરી પગલાં લઈ શકે છે. તેમાં સૈન્ય કાર્યવાહી પણ સામેલ છે. ટ્રમ્પના આ આદેશનો હેતુ કતારને અમેરિકા તેની સાથે ખભેખભો મીલાવીને ઉભું છે તેનો વિશ્વાસ અપાવવાનો છે.
29 સપ્ટેમ્બરે જ હસ્તાક્ષર થઈ ગયા હતાં
ઈઝરાયેલ દ્વારા 9મી સપ્ટેમ્બરે દોહામાં હમાસના નેતાઓ પર હુમલો કર્યો હતો. આ હુમલામાં કતારના સુરક્ષાબળોના એક સભ્ય સહિત 6 લોકો માર્યા ગતા હતાં. ટ્રમ્પના નવા આદેશમાં એવું કહેવામાં આવ્યું છે કે, જો કતાર પર કોઈ હુમલો થાય છે તો અમેરિકા તેને પોતાની શાંતિ અને સુરક્ષા માટેનો ખતરો સમજી લેશે. તેમજ કતારની સુરક્ષા માટે તેની સાથે ઉભુ રહેશે. આ આદેશ પહેલી ઓક્ટોબરે વાઈટ હાઉસની વેબસાઈટ પર જાહેર થયો હતો. પરંતુ તેની પર 29 સપ્ટેમ્બરે જ હસ્તાક્ષર થઈ ગયા હતાં.
