બરમુડાથી બોસ્ટન જઈ રહેલી એક કેનેડિયન-રજિસ્ટર્ડ એર એમ્બ્યુલન્સ ફ્લાઇટ એટલાન્ટિક મહાસાગર ઉપર અચાનક ગાયબ થઈ ગયા બાદ તેના અવશેષો યુએસએના મેસેચ્યુસેટ્સ રાજ્યમાં નેન્ટુકેટના કિનારેથી મળી આવ્યા છે. આ દુર્ઘટનાગ્રસ્ત વિમાનમાં ચાર ક્રૂ મેમ્બર અને બે મુસાફરો સહિત કુલ છ લોકો સવાર હતા, જેમાં કેનેડા અને બર્મુડાના નાગરિકો સામેલ છે. યુએસ કોસ્ટ ગાર્ડ દ્વારા આ વિસ્તારમાં સતત શોધખોળ અને બચાવ કામગીરી ચલાવવામાં આવી રહી છે.
એર એમ્બ્યુલન્સ ફ્લાઇટ એટલાન્ટિકમાં ગાયબ
પ્રાપ્ત માહિતી અનુસાર, શનિવારે વહેલી સવારે જ્યારે આ મેડિકલ ટ્રાન્સપોર્ટ પ્લેન ઉડાન ભરી રહ્યું હતું ત્યારે માર્ગમાં ભારે વાવાઝોડું આવ્યું હતું. એર ટ્રાફિક કંટ્રોલ (ATC) ના ઓડિયો રેકોર્ડિંગ પરથી ખુલાસો થયો છે કે વિમાનના કોકપીટમાં અચાનક ગંભીર ઇલેક્ટ્રિકલ સમસ્યાઓ સર્જાઈ હતી અને તેના નેવિગેશન સાધનોએ કામ કરવાનું બંધ કરી દીધું હતું. વાવાઝોડા અને સાધનોની નિષ્ફળતાને કારણે પાઇલટને 'બ્લાઇન્ડ ફ્લાઇટ' (આંધળી ઉડાન) ભરવાની ફરજ પડી હતી અને તેણે કટોકટી જાહેર કરી હતી.
https://twitter.com/Activewurld_/status/2106443736452333936