પશ્ચિમ અલાસ્કાના એક દુર્ગમ અને ગ્રામીણ વિસ્તારમાં ગુરુવારે બનેલી એક ગંભીર દુર્ઘટનામાં ચાર્ટર વિમાન ક્રેશ થતાં તેમાં સવાર તમામ આઠ લોકોનાં મોત નીપજ્યાં છે. આ અકસ્માત એન્કોરેજથી આશરે 450 માઈલ પશ્ચિમમાં આવેલા કેપ નેવેનહામ લોંગ રેન્જ રડાર સાઇટ એરપોર્ટ નજીક સર્જાયો હતો.
અલાસ્કામાં ચાર્ટર પ્લેન ક્રેશ
અધિકારીઓ દ્વારા આપવામાં આવેલી માહિતી અનુસાર, સિક્યુરિટી એવિએશન દ્વારા સંચાલિત સિસ્ના 441 (Cessna 441) નામનું આ સિવિલિયન-કોન્ટ્રાક્ટ વિમાન એન્કોરેજથી રવાના થયું હતું અને કેપ નેવેનહામ તરફ પહોંચતી વેળાએ બપોરે આશરે 12.15 વાગ્યે આ દુર્ઘટનાનો ભોગ બન્યું હતું. આ વિમાનમાં બે પાઇલટ અને છ મુસાફરો સહિત કુલ આઠ લોકો સવાર હતા. આ તમામ લોકો એક દુર્ગમ વાતાવરણમાં મહત્વપૂર્ણ મિશન પર કાર્યરત સમર્પિત વ્યાવસાયિકો હતા, જેઓ અચાનક થયેલી આ દુર્ઘટનામાં કાળનો કોળિયો બની ગયા.
https://twitter.com/Lev1446491/status/2090667173777687035