મધ્ય પૂર્વમાં ચાલી રહેલા યુદ્ધમાં અત્યાર સુધીમાં આઠ ભારતીયોએ પોતાના જીવ ગુમાવ્યા છે.
હુમલાનો સ્પષ્ટ ઇનકાર
કુવૈતના પાવર અને વોટર ડિસેલિનેશન પ્લાન્ટ પરના હુમલા અંગે એક નવો વિવાદ ઉભો થયો છે. ઈરાને આ હુમલાનો સ્પષ્ટ ઇનકાર કર્યો છે અને આરોપ લગાવ્યો છે કે ઈઝરાયલે ઈરાન પર દોષ ઢોળવા માટે આ હુમલો કર્યો હતો. ઈરાની સૈન્યના ઓપરેશનલ કમાન્ડ ખાતમ અલ-અંબિયાએ એક નિવેદન બહાર પાડીને કહ્યું છે કે કુવૈતના ડિસેલિનેશન પ્લાન્ટ પર હુમલો ઝાયોનિસ્ટ દળોનું કાવતરું હતું.
ભારતીય કર્મચારીનું મોત
ઈરાને એમ પણ કહ્યું કે પશ્ચિમ એશિયાના દેશોએ આવી ઉશ્કેરણીથી સાવધ રહેવું જોઈએ અને આ ક્ષેત્રમાં અમેરિકા અને ઈઝરાયલી હાજરીને દૂર કરવાની જરૂર છે. કુવૈતના વીજળી અને પાણી મંત્રાલયના જણાવ્યા અનુસાર, આ હુમલામાં પ્લાન્ટ સેવા ઇમારતને નોંધપાત્ર નુકસાન થયું છે અને એક ભારતીય કર્મચારીનું મોત થયું છે. મંત્રાલયના પ્રવક્તા ફાતિમા અબ્બાસ જૌહર હયાતે જણાવ્યું હતું કે હુમલાથી ઇમારતને ગંભીર નુકસાન થયું હતું.
ઈરાન યુદ્ધમાં કેટલા ભારતીયો માર્યા ગયા?
ઈરાન-ઈઝરાયલ સંઘર્ષ દરમિયાન કોઈ ભારતીયનું આ પહેલું મૃત્યુ નથી. દિલ્હીમાં આંતર-મંત્રાલય બ્રીફિંગમાં, અધિક સચિવ અસીમ મહાજને જણાવ્યું હતું કે સંઘર્ષ દરમિયાન વિવિધ ઘટનાઓમાં સાત ભારતીયોના મોત થયા હતા અને એક વ્યક્તિ ગુમ થયો હતો. કુવૈતમાં આ ઘટના ઉમેરતા મૃત્યુઆંક આઠ થયો છે. ગયા અઠવાડિયે, અબુ ધાબીમાં થયેલા હુમલામાં પણ એક ભારતીય નાગરિકનું મોત થયું હતું, જ્યારે એક ઘાયલ થયો હતો અને સારવાર બાદ હોસ્પિટલમાંથી રજા આપવામાં આવી હતી.
મધ્ય પૂર્વમાંથી 4.75 લાખ ભારતીયો સ્થળાંતરિત
યુદ્ધ દરમિયાન ભારત સરકાર તેના નાગરિકોને સ્થળાંતર કરવાનું ચાલુ રાખે છે. 28 ફેબ્રુઆરીએ યુદ્ધ શરૂ થયું ત્યારથી, આશરે 4.75 લાખ ભારતીયોને સુરક્ષિત રીતે સ્વદેશ પરત મોકલવામાં આવ્યા છે. સાઉદી અરેબિયા અને ઓમાનના એરપોર્ટ પરથી લોકોને ભારત લાવવામાં આવી રહ્યા છે, જ્યારે કતારનું હવાઈ ક્ષેત્ર આંશિક રીતે ખુલ્યા પછી ત્યાંથી પણ સ્થળાંતર ચાલુ છે. દરમિયાન, યુએઈ અને બહેરીનના હવાઈ ક્ષેત્ર બંધ થવાને કારણે, ભારતે વૈકલ્પિક માર્ગોનો ઉપયોગ કર્યો છે. જેમાં ઈરાનથી આર્મેનિયા, ઇઝરાયલથી જોર્ડન, ઇરાકથી જોર્ડન અને સાઉદી અરેબિયા, અને કુવૈત અને બહેરીનથી સાઉદી અરેબિયામનો સમાવેશ થાય છે.
આ પણ વાંચોઃ Iran યુદ્ધમાં પ્રવેશી શકે છે Turkey, Israelની યોજના થઇ શકે છે નિષ્ફળ, જાણો શું છે માહોલ?