બાંગ્લાદેશમાં ફેબ્રુઆરી 2026માં યોજાયેલી સામાન્ય ચૂંટણીમાં Bangladesh Nationalist Party (BNP)એ ઐતિહાસિક અને પ્રચંડ વિજય મેળવ્યો છે. આ જીત બાદ પાર્ટીના વરિષ્ઠ નેતા Tarique Rahman દેશના આગામી વડા પ્રધાન તરીકે શપથ લેવાની તૈયારીમાં છે. આ રાજકીય પરિવર્તનને બાંગ્લાદેશના ઇતિહાસમાં મહત્વપૂર્ણ વળાંક તરીકે જોવામાં આવી રહ્યું છે.

PMને આમંત્રણ આપી શકે છે

સૂત્રોના જણાવ્યા અનુસાર, BNP તારિક રહેમાનના શપથગ્રહણ સમારોહમાં ભારતના PM નરેન્દ્ર મોદીને વિશેષ આમંત્રણ આપવાની તૈયારી કરી રહી છે. આ પગલું બંને દેશો વચ્ચેના સંબંધોને નવી દિશા આપવાનું માનવામાં આવી રહ્યું છે. પાર્ટીનું માનવું છે કે આ આમંત્રણ દ્વારા ભારત સાથે “નવી શરૂઆત” શક્ય બની શકે છે.

 અન્ય પ્રાદેશિક દેશોના રાષ્ટ્રપ્રમુખોને પમ આમંત્રણ

BNP માત્ર ભારત જ નહીં, પરંતુ અન્ય પ્રાદેશિક દેશોના રાષ્ટ્રપ્રમુખોને પણ શપથગ્રહણ સમારોહમાં આમંત્રણ આપવાની યોજના બનાવી રહી છે. પાર્ટીના વિદેશ બાબતોના સલાહકાર હુમાયુ કબીરે જણાવ્યું કે હવે બંને દેશોએ જૂની ધારણાઓ છોડીને આગળ વધવાનો સમય આવી ગયો છે. તેમના શબ્દોમાં, “ભારત અને બાંગ્લાદેશ બંને માટે આ એક નવો અધ્યાય શરૂ કરવાનો અવસર છે.”

આવામી લીગ હવે બાંગ્લાદેશની વર્તમાન રાજનીતિમાં

હુમાયુ કબીરે સ્પષ્ટ રીતે કહ્યું કે Sheikh Hasina અને આવામી લીગ હવે બાંગ્લાદેશની વર્તમાન રાજનીતિમાં અસ્તિત્વમાં નથી. તેમણે ભારતને અપીલ કરી કે તે બાંગ્લાદેશને અસ્થિર કરવાનો પ્રયાસ કરનાર તત્વોને આશ્રય ન આપે. BNPનું કહેવું છે કે જો ભારત “Neighbourhood First” નીતિ હેઠળ બાંગ્લાદેશ સાથે સમાનતા અને આદર સાથે વ્યવહાર કરશે, તો બંને દેશો વિકાસ અને સ્થિરતાની નવી ઊંચાઈઓ પર પહોંચી શકે છે.

 PM નરેન્દ્ર મોદીએ તારિક રહેમાન સાથે ફોન પર વાતચીત

ચૂંટણી પરિણામો જાહેર થયા બાદ તરત જ, 13 ફેબ્રુઆરી 2026ના રોજ, PM નરેન્દ્ર મોદીએ તારિક રહેમાન સાથે ફોન પર વાતચીત કરી હતી. આ વાતચીત દરમિયાન મોદીએ તેમને જંગી જીત બદલ અભિનંદન આપ્યા અને લોકશાહી તથા સમાવેશી Bangladesh માટે ભારતના સમર્થનનો પુનરોચ્ચાર કર્યો. સાથે જ, તેમણે તારિક રહેમાનને અનુકૂળ સમયે Indiaની મુલાકાત લેવા આમંત્રણ આપ્યું.

 આમંત્રણ અને મુલાકાત થાય

રાજકીય વિશ્લેષકો માને છે કે જો આ આમંત્રણ અને મુલાકાત થાય, તો ભારત-બાંગ્લાદેશ સંબંધોમાં નવા યુગની શરૂઆત થઈ શકે છે. વેપાર, સુરક્ષા, સરહદી સહકાર અને વિકાસ જેવા મુદ્દાઓ પર બંને દેશો વચ્ચે વધુ મજબૂત સહયોગ જોવા મળી શકે છે. આ રીતે, તારિક રહેમાનનું વડા પ્રધાન બનવું માત્ર બાંગ્લાદેશ માટે નહીં, પરંતુ સમગ્ર દક્ષિણ એશિયા માટે મહત્વપૂર્ણ ઘટના સાબિત થઈ શકે છે.

આ પણ વાંચો : Bangladesh election 2026 : બાંગ્લાદેશની ચૂંટણીમાં ત્રણ હિન્દુ સાંસદો, જાણો કોણ જીત્યા અને કોને હરાવ્યા