સિડનીના પ્રખ્યાત બોન્ડી બીચ પર રવિવારે, 14 ડિસેમ્બરના રોજ થયેલા ભીષણ ગોળીબારથી આખો વિસ્તાર હચમચી ગયો છે. સાંજના સમયે જ્યારે લોકો હનુક્કા તહેવારની ઉજવણી કરી રહ્યા હતા, તે સમયે થયેલા આ હુમલામાં 12 લોકોનાં મોત થયા છે. આ સાથે અન્ય ઘણા લોકો ઘાયલ થયા હોવાના સમાચાર છે. હુમલાના સમયે બીચ પર લગભગ 2000 લોકો હાજર હતા, જેના કારણે સમગ્ર વિસ્તારમાં ભારે દહેશત અને અફરાતફરીનો માહોલ સર્જાયો હતો. આ ઘટનાએ ફરી એકવાર વૈશ્વિક સ્તરે વધી રહેલી માસ શૂટિંગની ઘટનાઓ પર ચિંતા પેદા કરી છે.
સમગ્ર વિશ્વમાં વધતો ખતરો
હાર્વર્ડ રિસર્ચ મુજબ, વર્ષ 1966 થી 2012 વચ્ચે થયેલી કુલ 292 માસ શૂટિંગની ઘટનાઓમાંથી એક તૃતીયાંશ જેટલી ઘટનાઓ માત્ર અમેરિકામાં થઈ છે. આ ખતરનાક પ્રવૃત્તિએ દુનિયાના અનેક દેશોને દહેશતમાં મૂક્યા છે.
