અમેરિકાના ન્યુ યોર્ક રાજ્યમાંથી એક ચોંકાવનારા અને મહત્વપૂર્ણ સમાચાર સામે આવ્યા છે. ચીક્ટોવાગા વિસ્તારમાં આવેલા બફેલો નાયગ્રા આંતરરાષ્ટ્રીય એરપોર્ટ પર અચાનક જેટ ફ્યુઅલ (વિમાનનું ઇંધણ) સંપૂર્ણપણે ખતમ થઈ ગયું છે. ઇંધણના અભાવે એરપોર્ટ પર ઊભેલા અથવા આવતા વિમાનોમાં રિફ્યુઅલિંગ કરવાનું અશક્ય બન્યું છે, જેના કારણે વિમાનો જ્યાં હતા ત્યાં જ જમીન પર ફસાઈ ગયા છે. આ ગંભીર પરિસ્થિતિને ધ્યાનમાં રાખીને એવિએશન તંત્ર દ્વારા તાત્કાલિક ધોરણે એક નોટામ (NOTAM - Notice to Airmen) જાહેર કરવામાં આવી છે.

નોટામ દ્વારા અપાઇ ચેતવણી

જ્યારે પણ કોઈ એરપોર્ટ, રનવે કે એરસ્પેસમાં અસામાન્ય કે અસ્થાયી સમસ્યા સર્જાય, ત્યારે પાઇલટ્સને આગોતરી ચેતવણી આપવા માટે નોટામ જાહેર કરવામાં આવે છે. આ કટોકટીના પગલે એક મોટી યુએસ એરલાઇને પોતાના વિમાનો માટે વિશેષ સૂચના જારી કરી છે. જે વિમાનો બફેલો ઇન્ટરનેશનલ એરપોર્ટ તરફ જઈ રહ્યા હતા અથવા રિફ્યુઅલિંગ માટે ત્યાં રોકાવાના હતા, તેમને હવે નજીકના પડોશી એરપોર્ટ પર ઉતરાણ કરીને ત્યાંથી જ ઇંધણ ભરી લેવા માટે આદેશ આપવામાં આવ્યા છે.
https://twitter.com/intelFromBrian/status/2091733178272620950

સમસ્યાનું કારણ શું છે?

પ્રાપ્ત માહિતી અનુસાર, બફેલો નાયગ્રા ઇન્ટરનેશનલ એરપોર્ટ પ્રમાણમાં નાનું એરપોર્ટ છે, જ્યાં ઇંધણની આપ-લે પાઇપલાઇન દ્વારા નહીં પરંતુ ઇંધણ ટેન્કર ટ્રકો દ્વારા કરવામાં આવે છે. આ અચાનક સર્જાયેલી અછત પાછળનું ચોક્કસ કારણ હજુ સુધી સત્તાવાર રીતે જાહેર કરવામાં આવ્યું નથી. નિષ્ણાતોના મતે, આ સમસ્યા સ્થાનિક ટર્મિનલની કોઈ તકનીકી ખામી અથવા સપ્લાય ચેઇન કે ઇંધણની ગુણવત્તા સંબંધિત તપાસના કારણે થઈ શકે છે.

કંપનીએ હવે અન્ય વિકલ્પો અપનાવવાની ફરજ પડી

આ અણધારી સ્થિતિને કારણે એરલાઇન્સ કંપનીઓએ હવે અન્ય વિકલ્પો અપનાવવાની ફરજ પડી છે. મોટાભાગની એરલાઇન્સ આ પ્રકારની સ્થિતિથી બચવા માટે હવે ફ્લાઇટ્સમાં જ વધારાનું ઇંધણ ભરીને ઉડાણ ભરી રહી છે જેથી મુસાફરો કે એરપોર્ટ પર લાંબા સમય સુધી અડચણ ન સર્જાય. સ્થાનિક તંત્ર દ્વારા આ મામલે ઝડપથી પરિસ્થિતિ થાળે પાડવા માટેના પ્રયાસો હાથ ધરવામાં આવ્યા છે.

આ પણ વાંચોઃ Italy : એરપોર્ટ પર હવામાં ગુલાટી મારી રહ્યા છે વિમાન, જુઓ ભયાનક VIDEO