Charlie Kirk Assassination : મિત્ર ચાર્લી કિર્ક માટે રાષ્ટ્રપતિ ડોનાલ્ડ ટ્રમ્પે કરી મોટી જાહેરાત, કરશે આ મોટું કામ

અમેરિકી કન્ઝર્વેટિવ એક્ટિવિસ્ટ અને રાષ્ટ્રપતિ ડોનાલ્ડ ટ્રમ્પના ખુબ જ નજીકના સહયોગી ચાર્લી કિર્કની ગોળી મારીને હત્યા કરવામાં આવી છે. આ ઘટનાએ સમગ્ર અમેરિકાને હચમચાવી દીધું છે અને ખુદ રાષ્ટ્રપતિ ડોનાલ્ડ ટ્રમ્પ પોતે આ હત્યાકાંડથી આઘાતમાં છે. ચાર્લી કિર્કની હત્યાના વીડિયો દુનિયાભરમાં વાયરલ થઈ રહ્યા છે.

અમેરિકી રાષ્ટ્રપતિ ટ્રમ્પ પોતાના મિત્રની હત્યાથી ખુબ જ દુ:ખી

આ વીડિયોએ અમેરિકામાં રાજકીય હિંસાના જોખમને ફરી એક વખત ઉજાગર કરી દીધું છે. કારણ કે ચાર્લી કિર્કે યુવા રિપબ્લિકન વોટર્સને એકજૂટ કરવામાં મોટી ભૂમિકા ભજવી હતી અને ચાર્લી કિર્ક ઈઝરાયેલના કટ્ટર સમર્થક પણ હતા. તેની વચ્ચે રિપબ્લિકન ફ્યૂચર અમેરિકાએ જણાવ્યું કે ટ્રમ્પે જાહેરાત કરી છે કે તે જલદી જ ચાર્લી કિર્કને મરણોપરાંત પ્રેસિડેન્શિયલ મેડલ ઓફ ફ્રીડમથી સન્માનિત કરશે. અમેરિકી રાષ્ટ્રપતિ ટ્રમ્પ પોતાના મિત્રની હત્યાથી ખુબ જ દુ:ખી છે, તેમને શૂટરને પકડવા માટે તમામ તાકાત લગાવી દીધી છે. તેના માટે ડોર-ટૂ-ડોર સર્ચ ઓપરેશન પણ શરૂ કરવાનો આદેશ આપ્યો છે.

સર્ચ ઓપરેશન શરૂ કરવામાં આવ્યું

સાથે જ ટ્રમ્પે ચાર્લીના સન્માનમાં રાષ્ટ્રીય ધ્વજને રવિવાર સુધી અડધી કાઠીએ રાખવાની જાહેરાત કરી છે. તમને જણાવી દઈએ કે ચાર્લી કિર્ક ટ્રમ્પના ઈનર સર્કલમાં એક પ્રભાવશાળી વ્યક્તિ હતા. તે ટ્રમ્પના નેટવર્કમાં ઓળખ ધરાવતા હતા અને મેક અમેરિકા ગ્રેટ અગેન આંદોલનનો ચહેરો બન્યા. 2024ની રાષ્ટ્રપતિ ચૂંટણીમાં ટ્રમ્પને યુવાનોના મત અપાવવામાં તેમની મહત્વની ભૂમિકા રહી. ટ્રમ્પે કહ્યું કે મારી સરકાર આ અમાનવીય કૃત્ય માટે જવાબદાર દરેક વ્યક્તિને શોધી કાઢશે. ઉલ્લેખનીય છે કે ચાર્લી કિર્કે 2 સપ્ટેમ્બરે એક્સ પર એક વિવાદસ્પદ પોસ્ટ લખી હતી, જેમાં તેમને કહ્યું કે અમેરિકાને ભારતના લોકો માટે વધારે વિઝાની જરૂરિયાત નથી. અમેરિકા પુરૂ ભરાઈ ચૂક્યું છે અને હવે દેશને પોતાના લોકોને પ્રાથમિકતા આપવી જોઈએ. તેમની આ પોસ્ટ ખુબ જ ચર્ચામાં રહી હતી.