World News: ફાંસીની સજા આપવામાં સૌથી આગળ છે Saudi Arabia, દર વર્ષે આટલા લોકોને આપે છે મોત

સાઉદી અરેબિયામાં મોતની સજામાં વધારો થતો જોવા મળ્યો છે. આ ક્રમમાં ઇરાન પણ પાછળ રહી ગયુ છે. એમનેસ્ટી ઇન્ટરનેશનલના જણાવ્યા પ્રમાણે વર્ષ 2014થી 2025ની વચ્ચે સાઉદી અરેબિયાએ 1816 લોકોને ફાંસીની સજા આપી હતી. જેમાં મોટી સંખ્યામાં વિદેશી નાગરિક સામેલ હતા. ઇરાન પર ઇઝરાઇલના હુમલા બાદ ઇઝરાઇલ માટે જાસૂસી કરનાર લોકોને ઇરાન ફાંસીની સજા આપી રહ્યુ છે. ઇરાન પર આરોપ છે કે, ત્યાં સરકાર વિરુદ્ધ અવાજ ઉઠાવનારને ફાંસીની સજા આપવામાં આવે છે.

વિદેશી નાગરિકોને સૌથી વધુ ફાંસીની સજા

આ વર્ષે HRCએ 59માં સત્રમાં ઇરાનમાં વધી રહેલા ફાંસીની સજાના આંકડ઼ા પર ચિંતા વ્યક્ત કરી છે. પરંતુ હાલમાં સામે આવેલી એક રિપોર્ટ અનુસાર સાઉદી અરેબિયા ફાંસીની સજા ફટકારવામાં સૌથી આગળ નિકળ્યુ છે. સંયુક્ત રાષ્ટ્રના ડેટા અનુસાર ઇરાને વર્ષ 2024માં 975 લોકોને મોતની સજા આપી છે. એમનેસ્ટી ઇન્ટરનેશનલે સાઉદી અરેબિયામાં મોતની સજામાં ચોંકાવનારા આંકડાઓ જોયા છે. વિદેશી નાગરિકોની સંખ્યામાં વધારો જોવા મળ્યો છે. તેમના પર નશીલી દવાઓ સંબંધિત અપરાધો નોંધવામાં આવ્યા હતા. જાન્યુઆરી 2014 થી લઇને જૂન 2025ની વચ્ચે સાઉદી અરેબિયાએ 1816 લોકોને મૃત્યુદંડની સજા ફટકારી છે. ફક્ત જૂન 2025માં 46 લોકોને ફાંસીની સજા ફટકારવામાં આવી હતી.

ઇરાનમાં સૌથી વધુ મૃત્યુદંડ

IHRNGO મુજબ વર્ષ 2025 પહેલા 4 મહિનામાં ઇરાનમાં ઓછામાં ઓછા 343 લોકોને મોતની સજા આપવામાં આવી હતી. વર્ષ 2024માં 75 ટકા વૃદ્ધિ જોવા મળી છે. તો 195 લોકોને 4 મહિનાઓમાં મોતની સજા આપવામાં આવી છે. એપ્રિલ મહિનામાં 110 લોકોને મૃત્યદંડ ફટકારવામાં આવ્યા છે. જૂન મહિનામાં ઇઝરાયલ સાથે જોડાયેલા લોકોને મોટી સંખ્યામાં ફાંસી આપવામાં આવી છે.