બાંગ્લાદેશની કોર્ટે 1971ના મુક્તિ યુદ્ધના ઘણા લડવૈયાઓ અને પ્રોફેસર સહિત 16 લોકોને આતંકવાદ વિરોધી કાયદા હેઠળ જેલમાં મોકલ્યા હતા. રાજધાની ઢાકામાં કથિત રીતે ઉગ્ર ટોળા દ્વારા તેમની સુનિશ્ચિત જાહેર ચર્ચામાં વિક્ષેપ પાડવામાં આવ્યાના એક દિવસ પછી આ સજા સંભળાવવામાં આવી હતી.


કાયદાકીય કાર્યવાહી હાથ ધરાઇ

ઢાકા પોલીસે મધ્યરાત્રિ પછી વધુ વિગતો આપ્યા વિના જણાવ્યું હતું કે અટકાયતીઓ પર 2009ના આતંકવાદ વિરોધી કાયદા હેઠળ આરોપ મૂકવામાં આવ્યા છે. કોર્ટમાં રજૂ કરાયેલા પ્રારંભિક કેસ દસ્તાવેજ દર્શાવે છે કે ધરપકડ કરાયેલા 16 લોકોમાંથી ઓછામાં ઓછા 6 લોકોની ઉંમર 70 વર્ષથી વધુ છે. અટકાયતમાં લેવામાં આવ્યાના લગભગ 24 કલાક પછી આ પુરુષોને કોર્ટમાં રજૂ કરવામાં આવ્યા હતા. જેના પગલે મેજિસ્ટ્રેટ ફરઝાના હકે તેમને જેલમાં મોકલવાનો આદેશ આપ્યો હતો.

Also Read

બાંગ્લાદેશમાં હિંસક માહોલ

નવા રચાયેલા ભૂતપૂર્વ સૈનિકોના મંચ 'મોન્ચો 71'એ ઢાકા રિપોર્ટર્સ યુનિટી ઓડિટોરિયમમાં ચર્ચાનું આયોજન કર્યું હતું અને બેઠક શરૂ થતાંની સાથે જ, એક ઉગ્ર ટોળાએ સ્થળ પર ધસી આવી હોવાનો આક્ષેપ કર્યો હતો. તેમણે કાર્યક્રમના આયોજકો અને સહભાગીઓને પદભ્રષ્ટ પીએમ શેખ હસીનાના ફાશીવાદી શાસનના સહયોગી ગણાવ્યા હતા. જોકે, શાહિદે દાવો કર્યો હતો કે તેમની જાણકારી મુજબ, કોઈ પણ આવામી લીગ નેતા કાર્યક્રમમાં હાજર નહોતા. પૂર્વ મંત્રી સિદ્દીકીને શિસ્ત ભંગ કરવા બદલ 2014માં શેખ હસીનાના મંત્રીમંડળ અને પાર્ટીમાંથી હાંકી કાઢવામાં આવ્યા હતા. સ્ટુડન્ટ્સ અગેઇન્સ્ટ ડિસ્ક્રિમિનેશન સંગઠનના નેતૃત્વમાં થયેલા હિંસક બળવાએ ગયા વર્ષે 5 ઓગસ્ટના રોજ હસીનાની આવામી લીગ સરકારને ઉથલાવી દીધી હતી. 

  • Follow us on: