Bangladesh Pakistan Relations: પાકિસ્તાનના વિદેશ મંત્રી ઇશાક ડારની 13 વર્ષમાં પ્રથમ ઉચ્ચ સ્તરીય મુલાકાત, જાણો કયા મુદ્દે થઇ ચર્ચા?

ઇશાક ડારે કહ્યું હતુ કે, 194માં પહેલી વાર આ મુદ્દો ઉકેલાયો હતો. તે સમયનો દસ્તાવેજ બંને દેશો માટે ઐતિહાસિક છે. આ પછી, જનરલ પરવેઝ મુશર્રફ અહીં આવ્યા અને ખુલ્લેઆમ આ મુદ્દાનો ઉકેલ લાવ્યા. પરિણામે, આ મુદ્દો બે વાર ઉકેલાયો હતો. એકવાર 1974માં અને પછી 2000ના દાયકાની શરૂઆતમાં. નિષ્ણાતોનું કહેવું છે કે, ઇશાક ડારની મુલાકાત દર્શાવે છે કે મુહમ્મદ યુનુસની વચગાળાની સરકાર પાકિસ્તાન સાથે સંબંધો સુધારવા માટે કેટલી ઉત્સુક છે.

ઇસ્લામાબાદ અને ઢાકા વચ્ચેના ત્રણ વિવાદો

પાકિસ્તાનના નાયબ વડા પ્રધાન અને વિદેશ પ્રધાન ઇશાક ડારે કહ્યું છે કે ઇસ્લામાબાદ અને ઢાકા વચ્ચે લાંબા સમયથી ચાલતા ત્રણ વિવાદો પહેલાથી જ બે વાર ઉકેલાઈ ગયા છે. આમાં 1971ના નરસંહાર માટે પાકિસ્તાન દ્વારા માફી માંગવાનો મુદ્દો પણ શામેલ છે. ઇશાક ડાર હાલમાં બે દિવસની ઢાકાની મુલાકાતે છે. છેલ્લા 13 વર્ષમાં બાંગ્લાદેશની આ પહેલી ઉચ્ચ સ્તરીય પાકિસ્તાની મુલાકાત છે. તેમણે હોટલ સોનારગાંવમાં બાંગ્લાદેશી વિદેશ સલાહકાર તૌહીદ હુસૈનને મળ્યા બાદ આ વાત કહી. ભૌગોલિક અંતર અને 1971ના ભારત-પાકિસ્તાન સંઘર્ષ દરમિયાન પાકિસ્તાન દ્વારા કરવામાં આવેલા અત્યાચારોની ઐતિહાસિક અસર હોવા છતાં, શેખ હસીના ઓગસ્ટ 20214માં સત્તા પરથી રાજીનામું આપ્યા પછી ઢાકા અને ઈસ્લામાબાદ દ્વિપક્ષીય સંબંધો સુધારવામાં વ્યસ્ત છે. લશ્કરી અને રાજકીય જોડાણો વધી રહ્યા છે. પરંતુ પાકિસ્તાને હજુ સુધી 1971ના હત્યાકાંડ માટે અફસોસ કે માફી માંગી નથી. તે જાણીતું છે કે 1971ના હત્યાકાંડમાં લાખો લોકો માર્યા ગયા હતા. ત્યારથી બાંગ્લાદેશ સતત પાકિસ્તાન પાસેથી માફીની માંગ કરી રહ્યું છે. ઢાકા પહોંચ્યા પછી, ડારે અનેક રાજકીય પક્ષોને મળ્યા હતા.

બાંગ્લાદેશમાં રાજનૈતિક હલચલ

બાંગ્લાદેશ નેશનાલિસ્ટ પાર્ટીના છ સભ્યોના પ્રતિનિધિમંડળે પાકિસ્તાની વિદેશ મંત્રીને મળ્યા હતા. જ્યારે તેમણે બાંગ્લાદેશ જમાત-એ-ઈસ્લામી અને નેશનલ સિટીઝન પાર્ટીના નેતાઓ સાથે પણ અલગ-અલગ વાતચીત કરી હતી. NCP નેતા અખ્તર હુસૈને કહ્યું, NCP ના સાત સભ્યોના પ્રતિનિધિમંડળ અને ઈશાક ડાર વચ્ચે એક બેઠક યોજાઈ હતી. ઇશાક ડાર બીએનપી પ્રમુખ બેગમ ખાલિદા ઝિયાને તેમના ગુલશન સ્થિત ઘરે પણ મળશે. ભૂતપૂર્વ પીએમ શેખ હસીનાના શાસનકાળ દરમિયાન ઢાકા અને ઇસ્લામાબાદ વચ્ચેના સંબંધો સૌથી નીચા સ્તરે હતા. 2010 માં, તેમની સરકારે 1971 ના યુદ્ધ દરમિયાન પાકિસ્તાની સેનાના સહયોગીઓ સામે કેસ શરૂ કર્યા હતા. હસીનાની પાર્ટી, અવામી લીગે ઇશાક ડારની મુલાકાતની નિંદા કરી હતી અને કહ્યું હતું કે, નરસંહારનું સત્ય સ્વીકારાય ત્યાં સુધી સંબંધોને સામાન્ય બનાવવું એ છેતરપિંડી છે.