Donald Trump એ ફરી ભારત-પાકિસ્તાન વચ્ચે યુદ્ધ રોકવાની લીધી ક્રેડિટ, કહ્યું 'યુદ્ધ પૂરજોશમાં ચાલી રહ્યું હતું'

અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર ભારત અને પાકિસ્તાન વચ્ચેના યુદ્ધને રોકવાનો શ્રેય લીધો છે. જોકે, આ વખતે સૂર અલગ હતો. બોર્ડ ઓફ પીસ કાર્યક્રમમાં ટ્રમ્પે કહ્યું "પાકિસ્તાની પીએમએ અમારા ચીફ ઓફ સ્ટાફને કહ્યું કે રાષ્ટ્રપતિ ટ્રમ્પે અમારા અને ભારત વચ્ચેના યુદ્ધને રોકીને 25 મિલિયન લોકોના જીવ બચાવ્યા. આ યુદ્ધ પૂરજોશમાં ચાલી રહ્યું હતું. વિમાનોને તોડી પાડવામાં આવી રહ્યા હતા."

11 ખૂબ જ મોંઘા જેટ તોડી પાડવામાં આવ્યા

ટ્રમ્પે વધુમાં કહ્યું, "મેં બંને દેશના વડા સાથે ફોન પર વાત કરી. હું તેમને (પીએમ મોદી) ખૂબ સારી રીતે ઓળખું છું. મેં તેમને ફોન કરીને કહ્યું, 'જો તમે લોકો આનો ઉકેલ નહીં લાવી શકો તો હું તમારા બંનેમાંથી કોઈ સાથે વેપાર સોદો નહીં કરું.' પછી, અચાનક, અમે એક સોદો કર્યો. મેં કહ્યું, 'જો તમે લડશો તો હું બંને દેશો પર 200 ટકા ટેરિફ લાદીશ.' અમેરિકન રાષ્ટ્રપતિએ કહ્યું, ભારત અને પાકિસ્તાન લડવા માગતા હતા. જ્યારે ઘણા પૈસા ગુમાવવાની વાત આવી, ત્યારે તેમણે કહ્યું, 'અમે લડવા માગતા નથી.' 11 ખૂબ જ મોંઘા જેટ તોડી પાડવામાં આવ્યા.

બોર્ડમાં 10 બિલિયન ડોલરનું યોગદાન

બોર્ડ ઓફ પીસના એક કાર્યક્રમમાં રાષ્ટ્રપતિ ડોનાલ્ડ ટ્રમ્પે કહ્યું, "યુનાઈટેડ સ્ટેટ્સ બોર્ડ ઓફ પીસમાં $10 બિલિયનનું યોગદાન આપવા જઈ રહ્યું છે. અમે સંયુક્ત રાષ્ટ્ર સાથે ખૂબ નજીકથી કામ કરીશું. અમે તેમને પાછા લાવીશું. આઠ યુદ્ધો, મેં તેમની સાથે તેમાંથી કોઈ પણ વિશે વાત કરી નથી અને મારે તે બધા વિશે તેમની સાથે વાત કરવી જોઈએ." તેમણે કહ્યું "મને લાગે છે કે સંયુક્ત રાષ્ટ્ર વધુ મજબૂત બનશે. શાંતિ બોર્ડ સંયુક્ત રાષ્ટ્રની દેખરેખ રાખશે અને ખાતરી કરશે કે તે યોગ્ય રીતે ચાલે, પરંતુ અમે સંયુક્ત રાષ્ટ્રને મજબૂત બનાવવા જઈ રહ્યા છીએ. અમે ખાતરી કરીશું કે તેની સુવિધાઓ સારી છે. તેમને મદદની જરૂર છે. આપણે તેમને પૈસાથી મદદ કરવી પડશે."

આ પણ વાંચો : Epstein Files News: પ્રિન્સ એન્ડ્રુની ધરપકડ બાદ તેમના પરિવાર અંગે ઉભા થયા પ્રશ્નો, જાણો શું ચાલી રહી છે અટકળો?