યુએસ પ્રમુખ ડોનાલ્ડ ટ્રમ્પે કેનેડા વિરુદ્ધ મોટું પગલું ભરતા કેનેડિયન આયાત પર ૫૦% ટેક્સ લાદવાના આદેશ પર હસ્તાક્ષર કર્યા છે. સોમવારે વ્હાઇટ હાઉસ દ્વારા જારી કરાયેલી ઘોષણા મુજબ, આ નવો ટેરિફ આગામી 30 દિવસની અંદર અમલમાં આવી જશે. આ નવા નિર્ણયથી કેનેડામાંથી આયાત થતા ઇલેક્ટ્રિકલ સાધનો, મશીનરી, ઓટોમોબાઈલ, દારૂ અને ડેરી ઉત્પાદનો સીધા પ્રભાવિત થશે. જોકે, ઊર્જા, પોટાશ અને અન્ય કેટલીક ક્ષેત્ર-વિશિષ્ટ આયાતોને આ ટેરિફમાંથી મુક્તિ આપવામાં આવી છે.
50% સુધીનો ટેરિફ લાદવાની કરી જાહેરાત
વ્હાઇટ હાઉસના નિવેદનમાં સ્પષ્ટ કરવામાં આવ્યું છે કે કેનેડા દ્વારા યુનાઇટેડ સ્ટેટ્સ સાથે કરવામાં આવતા અન્યાયી વ્યવહાર અને અમેરિકન માલ સામેના ભેદભાવને કારણે આ કડક પગલાં લેવામાં આવ્યા છે. ટ્રમ્પે 1930 ના ટેરિફ એક્ટની કલમ 338 નો હવાલો આપ્યો છે, જે રાષ્ટ્રપતિને એવા દેશો સામે કોંગ્રેસની મંજૂરી વિના 50% સુધીનો ટેરિફ લાદવાની સત્તા આપે છે જેઓ અમેરિકન માલ સામે ભેદભાવ કરતા હોય.