તાજેતરમાં બનેલી એક ગંભીર એવિએશન ઘટના બાદ આંતરરાષ્ટ્રીય હવાઈ સફરમાં સુરક્ષા નિયમો અત્યંત કડક બનાવી દેવામાં આવ્યા છે. એર ફ્રાન્સ, યુનાઇટેડ એરલાઇન્સ અને ચેક એરલાઇન સ્માર્ટવિંગ્સ જેવી મુખ્ય આંતરરાષ્ટ્રીય એરલાઇન્સે પાકિસ્તાની પાઇલટ્સ અને કેબિન ક્રૂ મેમ્બર્સને ઇઝરાયલ તરફ જતી અથવા ત્યાંથી આવતી ફ્લાઇટ્સ ચલાવવા પર પ્રતિબંધ મૂકી દીધો છે. પાકિસ્તાન અને ઇઝરાયલ વચ્ચે કોઈ પણ પ્રકારના સત્તાવાર કે રાજદ્વારી સંબંધો ન હોવાના કારણે આ કડક નિર્ણય લેવામાં આવ્યો છે.
શું હતી સમગ્ર ઘટના?
આ કડક સુરક્ષા પગલાં પાછળનું મુખ્ય કારણ 30 સપ્ટેમ્બર, 2026 ના રોજ દુબઈથી તેલ અવીવ જતી ફ્લાયદુબઈની ફ્લાઇટમાં બનેલી એક ચોંકાવનારી ઘટના છે. રિપોર્ટ્સ અનુસાર, ફ્લાઇટ દરમિયાન ઓમાની કો-પાઇલટે કોકપીટનો કંટ્રોલ પોતાના હાથમાં લેવાના ઇરાદા સાથે ભારતીય કેપ્ટન પર અચાનક હુમલો કરી દીધો હતો. આ ઘટના બાદ ઇઝરાયલ અને આંતરરાષ્ટ્રીય એવિએશન એજન્સીઓએ એવા દેશોના નાગરિકો અને ક્રો પાયલોટ્સ પર કડક નજર રાખવાનું શરૂ કર્યું છે જેમના ઇઝરાયલ સાથે રાજદ્વારી સંબંધો નથી. ઓમાન પણ એવા જ દેશોની યાદીમાં આવે છે.