દક્ષિણ કોરિયાની કોર્ટે ડિસેમ્બર 2024માં ભૂતપૂર્વ રાષ્ટ્રપતિ યૂન સુક-યેઓલને માર્શલ લો લાદવા બદલ આજીવન કેદની સજા આપી છે.
મૃત્યુદંડની કરાઇ હતી માંગ
દક્ષિણ કોરિયાની એક કોર્ટે ડિસેમ્બર 2024 માં ભૂતપૂર્વ રાષ્ટ્રપતિ યૂન સુક-યેઓલને માર્શલ લો લાદવા બદલ દોષિત ઠેરવ્યા હતા. તેમને આજીવન કેદની સજા ફટકારી છે. ન્યાયાધીશ જી કુઇ-યૂને ચુકાદો આપ્યો કે યૂને ગેરકાયદેસર રીતે સંસદ પર કબજો કરવા, નેતાઓની ધરપકડ કરવા અને અમુક સમય માટે સરમુખત્યારશાહી શાસન લાદવાના પ્રયાસમાં લશ્કર અને પોલીસને એકત્ર કર્યા હતા. વિપક્ષી કાયદા નિર્માતાઓ સંસદમાં બહુમતી ધરાવે છે. યૂન ચુકાદા સામે અપીલ કરી શકે છે. એક ખાસ વકીલે યૂન માટે મૃત્યુદંડની માંગ કરી હતી.
સમર્થકોનું વિરોધ પ્રદર્શન
1997થી દક્ષિણ કોરિયામાં કોઈ કેદીને ફાંસી અપાઇ નથી. યૂન કોર્ટમાં પહોંચ્યા અને તેમના સમર્થકોએ બહાર વિરોધ કર્યો. જેમ જેમ યૂનને લઈ જતી જેલ બસ પસાર થઈ, તેમ તેમ સમર્થનના સૂત્રોચ્ચાર વધુ જોરથી વધ્યા હતા. દરમિયાન, યૂનના વિરોધીઓ નજીકમાં ભેગા થયા, તેમના માટે મૃત્યુદંડની માંગ કરી. કોર્ટે લશ્કરી કાયદાના અમલીકરણમાં સામેલ ઘણા ભૂતપૂર્વ લશ્કરી અને પોલીસ અધિકારીઓને પણ દોષિત ઠેરવ્યા અને સજા ફટકારી હતી.
'રાષ્ટ્રીય સુરક્ષા માટે જોખમી'
યૂન સુક-યોલે 3 ડિસેમ્બર 2024ના રોજ લશ્કરી કાયદો જાહેર કરવાનો પ્રયાસ કર્યો હતો. તેમણે વિરોધ પક્ષોને રાજ્ય વિરોધી દળો અને ઉત્તર કોરિયાના સહાનુભૂતિ ધરાવતા ગણાવ્યા હતા. તેઓની દલીલ હતી કે, દળો રાષ્ટ્રીય સુરક્ષા માટે જોખમી છે. આ પગલું દક્ષિણ કોરિયામાં રાજકીય ધ્રુવીકરણ અને અસ્થિરતામાંથી ઉદ્ભવ્યું હતું. જ્યાં રાષ્ટ્રપતિ વારંવાર ચકાસણી અને વિરોધનો સામનો કરે છે. મોડી રાત્રે ટેલિવિઝન ભાષણમાં, તેમણે લશ્કરી કાયદો જાહેર કર્યો.
આ પણ વાંચોઃ Tariff War News: અમેરિકા ભારત પર વધુ ટેરિફ લાદવા અંગે શોધી રહ્યુ છે બહાનું, અમેરિકી સાંસદની ચેતવણી