અમેરિકા અને ઈરાન વચ્ચેનો તણાવ હવે ગંભીર વળાંક લઈ રહ્યો છે. 28 ફેબ્રુઆરીએ થયેલા હુમલા બાદ ઈરાનના ડઝનબંધ શહેરોમાં અમેરિકા અને ઈઝરાયેલ વિરુદ્ધ સતત 49મા દિવસે પણ પ્રદર્શનો ચાલુ રહ્યા છે. રાજધાની તેહરાનથી લઈને લૌરિસ્તાન અને ઇસ્ફહાન જેવા શહેરોમાં હજારો લોકો રસ્તા પર ઉતરી આવ્યા છે. લૌરિસ્તાનથી સામે આવેલી તસવીરોમાં મહિલાઓ પણ હાથમાં બંદૂક લઈને ઈરાની સેનાના સમર્થનમાં ઉભેલી જોવા મળી છે, જે દેશ માટે બલિદાન આપવાની તૈયારી દર્શાવે છે.
ઈરાનમાં અમેરિકા સામે આક્રોશ વધ્યો
ડોનાલ્ડ ટ્રમ્પ દ્વારા નૌકાસૈન્ય નાકાબંધી ચાલુ રાખવાના નિવેદન બાદ ઈરાનમાં આક્રોશ વધ્યો છે. તેહરાનના મેયર રીઝા ઝકાનીએ સ્પષ્ટ કર્યું છે કે જો અમેરિકાની નાકાબંધી ચાલુ રહેશે, તો તેનો અર્થ એ છે કે યુદ્ધવિરામ તૂટી ગયો છે અને ઈરાને પણ તે જ સ્તરે જવાબ આપવો જોઈએ. જ્યારે પાકિસ્તાન મધ્યસ્થી તરીકે બંને દેશોને વાટાઘાટોની મેજ પર લાવવાનો પ્રયાસ કરી રહ્યું છે, ત્યારે ઈરાનની જનતા 'કમાન્ડર અમને આદેશ આપો' ના નારા લગાવી રહી છે. હવે જોવાનું એ રહેશે કે ઈરાન સરકાર ઇસ્લામાબાદમાં આગામી તબક્કાની વાતચીત માટે જાય છે કે યુદ્ધનો નવો માર્ગ પસંદ કરે છે.
મહિલાઓએ પણ ઉપાડ્યા હથિયાર
ઈરાનના ડઝનબંધ શહેરોમાં અમેરિકા-ઈઝરાયેલ વિરુદ્ધ વિરોધ પ્રદર્શન થયા. હાથમાં બંદૂક પકડેલી એક મહિલાએ કહ્યું કે આજે અમે બધા કફન પહેરીને મેદાનમાં આવ્યા છીએ.ઈરાન અને અમેરિકા જ્યાં એક તરફ પાકિસ્તાનની સંદેશવાહક નીતિ હેઠળ બીજા રાઉન્ડની વાતચીત માટે ટેબલ પર આવવાના સંકેત આપી રહ્યા છે, તો બીજી તરફ 28 ફેબ્રુઆરીએ ઈઝરાયેલ-અમેરિકાના હુમલા બાદ ઈરાનમાં રસ્તાઓ પર સરકારના સમર્થનમાં અને અમેરિકા-ઈઝરાયેલના વિરોધમાં પ્રદર્શન 49મા દિવસે પણ ચાલુ રહ્યું.
ડઝનબંધ શહેરોમાં પ્રદર્શન
આ વખતે પ્રદર્શન એક-બે શહેરમાં નહીં પણ ડઝનબંધ શહેરોમાં થયું. રાજધાની તેહરાનથી લઈને પશ્ચિમી શહેર ઉર્મિયા, લૌરિસ્તાન, ખેરમાંનશાહ, ચાલદારાન, સલમાસ, ઇલમ, ઇસ્ફહાન, ખુરમ્માબાદમાં મધ્યરાત્રિએ લોકો ઈરાની ઝંડા સાથે રસ્તા પર ઉતર્યા અને પ્રદર્શન કર્યું. સૌથી રસપ્રદ તસવીર લૌરિસ્તાનની દેખાઈ, જ્યાં હાથમાં બંદૂક લઈને મહિલાઓ ઈરાની સેનાના સમર્થનમાં નિવેદન આપતી અને રેલીને સંબોધિત કરતી જોવા મળી રહી છે.
મહિલાઓ પોતાનો જીવ આપવા પણ તૈયાર
હાથમાં ગન લીધેલી મહિલાએ કહ્યું કે આજે અમે બધા કફન પહેરીને મેદાનમાં આવ્યા છીએ જેથી એ કહી શકીએ કે મરિયમની નસલ જીવિત છે અને આ ઈસ્લામિક ક્રાંતિ માટે પોતાનો જીવ આપવા તૈયાર છે. એવી જ રીતે તેહરાનના ઈન્કિલાબ સ્ક્વેર પર અડધી રાત્રે જનતા એકઠી થઈ અને નારા લગાવ્યા કે "કમાન્ડર તમે અમને આદેશ આપો, અમે તમારા દરેક આદેશનું પાલન કરીશું."
સેનાનું બેન્ડ પણ હાજર રહ્યું
ઈરાનના ઇસ્ફહાન અને ઇલમ શહેરમાં હજારો લોકો ઈરાની ઝંડા સાથે રસ્તા પર ઉતર્યા તો ખુરમ્માબાદમાં રસ્તા પર નમાજ પઢવામાં આવી. ઈરાનના ચાલદારાન શહેરમાં મોટી સંખ્યામાં લોકો રસ્તા પર ઉતર્યા, જ્યાં અયાતુલ્લા અલીના મોતનો બદલો લેવાની માંગ સાથે જોરદાર પ્રદર્શન કરવામાં આવ્યું. સલમાસ શહેરમાં IRGC અને સેનાના અધિકારીઓ રસ્તા પર લોકોની સાથે રહ્યા અને સેનાના બેન્ડે લોકોનો ઉત્સાહ વધારવા માટે ધૂન વગાડી.
તેહરાનના મેયરે શું કહ્યું?
તેહરાનના મેયરે કહ્યું કે ટ્રમ્પની ધમકીઓ અને દબાણ સામે ઝૂકવાને બદલે ભરોસો એક બહાદુર અને સક્રિય જનતા તથા જનતાની તાકાત પર હોવો જોઈએ. સાથે જ સૌથી મહત્વની વાત એ છે કે જો અમેરિકા તરફથી ઈરાન પર નૌકાસૈન્ય નાકાબંધીનો દાવો સાચો છે, તો તેનો સ્પષ્ટ અર્થ છે કે યુદ્ધવિરામ તૂટી ગયો છે. અમે યુદ્ધની સ્થિતિમાં છીએ અને તેનો જવાબ પણ તે જ સ્તરે આપવો જોઈએ.
આ પણ વાંચો: US Iran War:ડોનાલ્ડ ટ્રમ્પ પર ભડક્યું ઈરાન,હોર્મુઝ સ્ટ્રેટને લઈને કરી મોટી જાહેરાત
