કેનેડાના પોલીસ વડાની પુષ્ટિ, તેમના દેશમાં હાલમાં કોઈ ગુપ્ત પ્રવૃત્તિઓ નથી થઇ.
સરહદ પાર દમનનો વિષય
કેનેડાના પોલીસ વડાએ જણાવ્યું છે કે તેમના દેશમાં હાલમાં કોઈ ગુપ્ત પ્રવૃત્તિઓ કે સરહદ પાર દમન થઈ રહ્યું નથી. કેનેડિયન માઉન્ટેડ પોલીસના કમિશનર માઈક ડુહેમે એક મુલાકાત દરમિયાન આ ટિપ્પણી કરી હતી. તેમને પૂછવામાં આવ્યું હતું કે શું ભારતીય એજન્ટો દ્વારા સરહદ પાર દમન ચિંતાનો વિષય છે. ડુહેમે જવાબ આપ્યો, હાલમાં અમારી પાસે જે ગુનાહિત માહિતી અને તપાસ છે તેના આધારે, અમને કોઈપણ વિદેશી સંસ્થા સાથે કોઈ જોડાણ દેખાતું નથી.
ભારતે ટ્રુડોના આરોપોને ફગાવ્યા
કેનેડા અને ભારત વચ્ચે મહિનાઓથી ચાલી રહેલા રાજદ્વારી તણાવ બાદ તેમની ટિપ્પણીઓ આવી છે. ભારત અને કેનેડાએ તાજેતરના મહિનાઓમાં તેમના સંબંધોને સામાન્ય બનાવવા માટે ઘણા પગલાં લીધા છે. 2023 માં, તત્કાલીન કેનેડાના વડા પ્રધાન જસ્ટિન ટ્રુડોએ ખાલિસ્તાની અલગતાવાદી હરદીપ સિંહ નિજ્જરની હત્યામાં ભારતની સંડોવણીનો આરોપ લગાવ્યો હતો. ટ્રુડો દ્વારા આ આરોપો લગાવ્યા બાદ ભારત અને કેનેડા વચ્ચેના સંબંધોમાં ખૂબ જ ખરાબ સ્થિતિ આવી ગઈ હતી. ભારતે ટ્રુડોના આરોપોને વાહિયાત ગણાવીને ફગાવી દીધા હતા.
સંબંધો પુનઃસ્થાપિત કરવાની પ્રક્રિયા
ગયા વર્ષે એપ્રિલમાં સંસદીય ચૂંટણીમાં લિબરલ પાર્ટીના નેતા માર્ક કાર્નીની જીતથી સંબંધો પુનઃસ્થાપિત કરવાની પ્રક્રિયા શરૂ કરવામાં મદદ મળી. બંને પક્ષોએ એકબીજાની રાજધાનીઓમાં હાઈ કમિશનરો પોસ્ટ કર્યા છે. આ મહિનાની શરૂઆતમાં કાર્નીની ભારત મુલાકાત દરમિયાન, બંને પક્ષોએ યુરેનિયમ અને મહત્વપૂર્ણ ખનિજોના પુરવઠા પર મુખ્ય કરારો પર મહોર લગાવી હતી અને ટૂંક સમયમાં વ્યાપક આર્થિક ભાગીદારી કરારને અંતિમ સ્વરૂપ આપવાનું વચન આપ્યું હતું.
આ પણ વાંચોઃ ઇતિહાસમાં પ્રથમવાર હોર્મુઝમાંથી પસાર થતા જહાજ પાસેથી લેવાઇ રહ્યો છે ટોલ, જાણો કેમ?