જેના કારણે પાકિસ્તાનનો તણાવ વધ્યો છે. ચોમાસાના આગમન સાથે, પાકિસ્તાન પૂરનો ભય અનુભવી રહ્યું છે.
પાણીની તંગીનો સામનો
મે અને જૂનની તીવ્ર ગરમી દરમિયાન, પાકિસ્તાનને સિંધુ અને તેની ઉપનદીઓમાંથી પૂરતું પાણી મળ્યું ન હતું. જેના કારણે દેશના 240 મિલિયન લોકો પ્રભાવિત થયા હતા. પાકિસ્તાન સરકારે સત્તાવાર રીતે જણાવ્યું હતું કે, સિંધુ નદીમાંથી પાણીના અભાવે પાણીની કટોકટી સર્જાઈ હતી. કરાંચી સહિત અનેક મોટા શહેરોને પાણીની તંગીનો સામનો કરવો પડ્યો હતો. પાકિસ્તાનને અગાઉ ચેનાબ નદીમાંથી દરરોજ 21,887 ક્યુસેક પાણી મળતું હતું, જે હવે ઘટીને 5,689 ક્યુસેક થયું છે.
નિર્ણય શા માટે લેવાયો ?
ભારત પાકિસ્તાન સાથે કોઈ પાણીનો ડેટા શેર કરતું નથી. જેના કારણે પાકિસ્તાનને ખબર પડતી નથી કે તેને દરરોજ ભારતથી કેટલું પાણી મળશે. પાકિસ્તાનને ડર છે કે, ગયા વખતની જેમ, ભારત વરસાદની ઋતુમાં અચાનક પાણી છોડી શકે છે, જેના કારણે પૂર આવી શકે છે. ગયા વર્ષે પૂરથી પાકિસ્તાનને ભારે અસર થઈ હતી. પૂરને કારણે પંજાબ પ્રાંતમાં પાકિસ્તાની સૈન્યના થાણા ડૂબી ગયા હતા. પૂરમાં સમગ્ર પાકિસ્તાનમાં 1,000 થી વધુ લોકો માર્યા ગયા હતા.
પાકિસ્તાન સિંચાઈ વિભાગની પ્રતિક્રિયા
પાકિસ્તાન સિંચાઈ વિભાગના અધિકારીના જણાવ્યા અનુસાર, પૂરની અસર ઘટાડવા માટે સિંધુ અને અન્ય નદીઓમાંથી કાંપ દૂર કરવામાં આવશે. ધ્યેય નદીઓને અતિક્રમણથી મુક્ત કરવાનો પણ છે. અગાઉ, એવું અહેવાલ આવ્યું હતું કે પાકિસ્તાને પાણી વિવાદ ઉકેલવા માટે આંતરરાષ્ટ્રીય ન્યાયાલયમાં દાવો દાખલ કર્યો હતો. પાકિસ્તાન આ કેસમાં ભારતના હિસ્સાનો ખર્ચ પણ ઉઠાવી રહ્યું છે. પાકિસ્તાને અત્યાર સુધીમાં આ માટે 5.77 કરોડ રૂપિયા ખર્ચ કર્યા છે.
આ પણ વાંચોઃ ઈરાનમાં ભારતના રોકાણવાળા ચાબહાર પોર્ટ પર અમેરિકાની એરસ્ટ્રાઈકથી હડકંપ