કટોકટી સેવાઓને 5.3 મિલિયન ડોલરનું નુકસાન થયું છે. ઈરાનના પોલીસ વડાના જણાવ્યા અનુસાર, દેશભરમાં પરિસ્થિતિ હવે સામાન્ય છે.
250 મસ્જિદો, 265 શાળાઓ અને 4700 બેંકોને નુકસાન
4700 બેંકોને નુકસાન થયું છે. 265 શાળાઓ અને શૈક્ષણિક કેન્દ્રો, ત્રણ મુખ્ય પુસ્તકાલયો, આઠ સાંસ્કૃતિક અને પર્યટન સ્થળો અને ચાર સિનેમાઘરોને નુકસાન થયું છે. અમેરિકન માનવાધિકાર સંગઠન HRANAના જણાવ્યા અનુસાર, અત્યાર સુધીમાં 2677 લોકોના મૃત્યુ થયા છે. જેમાં 2478 વિરોધીઓ અને 163 સરકારી કર્મચારીઓનો સમાવેશ થાય છે. આ આંકડાઓની સ્વતંત્ર રીતે ચકાસણી કરવામાં આવી નથી.
તમામ ક્ષેત્રે નુકસાન
તેહરાનમાં જ મોટી સંખ્યામાં વાહનોને આગ ચાંપી દેવામાં આવી હતી. 364 મોટી અને 419 નાની દુકાનોને નુકસાન થયું હતું. 82 એમ્બ્યુલન્સ અને ફાયર વિભાગના સાધનો સહિત 5.3 મિલિયન ડોલરનું નુકસાન થયું હતું. 317 બેંક શાખાઓ સંપૂર્ણપણે નાશ થઇ હતી. 4700 બેંકોને 10% થી 90% નુકસાન થયું હતું. 1400 એટીએમને નુકસાન થયું હતું અને 250 સંપૂર્ણપણે બંધ થઈ ગયા હતા. વીજળી ક્ષેત્રને 6.6 મિલિયન ડોલરનું નુકસાન થયું હતું.
પુતિન અને નેતન્યાહૂ વચ્ચે વાતચીત
રશિયન રાષ્ટ્રપતિ વ્લાદિમીર પુતિન અને ઇઝરાયલી વડા પ્રધાન બેન્જામિન નેતન્યાહૂ વચ્ચે ફોન પર વાતચીત થઈ હતી. બંને નેતાઓએ મધ્ય પૂર્વ અને ઈરાનની વર્તમાન પરિસ્થિતિ પર ચર્ચા કરી હતી. પુતિને ઈરાનના મુદ્દા પર મધ્યસ્થી કરવામાં મદદ કરવાની ઓફર કરી હતી. પુતિને ઈરાનના રાષ્ટ્રપતિ મસૂદ પજેશકિયાન સાથે પણ અલગ ફોન પર વાત કરી હતી. ઈરાની મીડિયા અનુસાર, પજેશકિયાને પુતિનને કહ્યું હતું કે, દેશમાં અશાંતિ પાછળ અમેરિકા અને ઇઝરાયલનો હાથ છે.