મધ્ય પૂર્વમાં તણાવ ફરી એકવાર ખતરનાક તબક્કે છે. ઈરાને "આંખને બદલે આંખ" નામનું લશ્કરી ઓપરેશન શરૂ કરવાનો દાવો કર્યો છે.
વૈશ્વિક તેલ બજાર પર અસર
જો આ સંઘર્ષ વધુ વધશે, તો તેની અસર ફક્ત બે દેશો સુધી મર્યાદિત રહેશે નહીં પરંતુ સમગ્ર મધ્ય પૂર્વ, વૈશ્વિક તેલ બજાર અને આંતરરાષ્ટ્રીય વેપાર પર પણ અસર કરી શકે છે. વિશ્વ હવે જોઈ રહ્યું છે કે અમેરિકા આ હુમલાનો કેવી પ્રતિક્રિયા આપે છે અને શું આ ઘટના મોટા પ્રાદેશિક યુદ્ધમાં પરિણમી શકે છે. ઈરાનના રાજ્ય મીડિયા અનુસાર, આ કાર્યવાહીમાં ખાડી ક્ષેત્રમાં અમેરિકી લશ્કરી થાણાઓને નિશાન બનાવવામાં આવ્યા હતા.
બંને દેશો વચ્ચે બદલો લેવાના હુમલા ચાલુ
ઈરાને દાવો કર્યો હતો કે, તેનો ઉદ્દેશ્ય તે થાણાઓ સામે બદલો લેવાનો હતો. જ્યાંથી તેની સામે લશ્કરી કાર્યવાહી શરૂ કરવામાં આવી હતી. જોકે, અમેરિકાએ હુમલાઓથી થયેલા નુકસાનની સત્તાવાર પુષ્ટિ કરી નથી. એવું કહેવામાં આવી રહ્યું છે કે, જો બંને દેશો વચ્ચે બદલો લેવાના હુમલા ચાલુ રહેશે, તો તે ખાડી ક્ષેત્રમાં સુરક્ષા, તેલ પુરવઠા અને દરિયાઈ વેપારને અસર કરશે. હોર્મુઝ સ્ટ્રેટ જેવા મહત્વપૂર્ણ દરિયાઈ માર્ગો પહેલાથી જ તણાવના કેન્દ્રમાં છે.
ઓપરેશન "આઈ ફોર એન આઈ" શું છે?
ઈરાને આ લશ્કરી કાર્યવાહીને "આઈ ફોર એન આઈ" નામ આપ્યું છે. આ નામ સ્પષ્ટપણે સૂચવે છે કે તે તેની સામે કોઈપણ લશ્કરી કાર્યવાહીનો જવાબ આપશે. ઈરાન લાંબા સમયથી કહે છે કે જો તેની રાષ્ટ્રીય સુરક્ષા અથવા લશ્કરી થાણાઓ પર હુમલો કરવામાં આવશે તો તે બદલો લેવામાં અચકાશે નહીં. આ નીતિ હેઠળ, ઈરાને ભૂતકાળમાં ઘણી વખત બદલો લેવાની કાર્યવાહીની જાહેરાત કરી છે. આ દાવાથી મધ્ય પૂર્વમાં તણાવ ફરી વળ્યો છે, જેનાથી ચિંતાઓ વધી છે.
કોને બનાવાયા નિશાન ?
ઈરાની મીડિયાનો દાવો છે કે ખાડી ક્ષેત્રમાં અમેરિકી લશ્કરી થાણાઓને નિશાન બનાવવામાં આવ્યા હતા. જોકે, એ સ્પષ્ટ નથી કે કયા લક્ષ્યો પર હુમલો કરવામાં આવ્યો હતો અથવા કેટલું નુકસાન થયું હતું. અમેરિકાએ હજુ સુધી વિગતવાર સત્તાવાર માહિતી શેર કરી નથી. આવા કિસ્સાઓમાં, પ્રારંભિક દાવાઓ અને વાસ્તવિક નુકસાન વચ્ચે વિસંગતતા હોઈ શકે છે, તેથી વધુ સત્તાવાર નિવેદનો પર નજીકથી નજર રાખવામાં આવશે.
આ પણ વાંચોઃ ઈરાનની નવી હિટ-લિસ્ટમાં ટ્રમ્પ સાથે મેલોની અને મૅક્રોં પણ સામેલ! અખબારમાં પ્રકાશિત થયા ફોટા