મક્કા કરાર મુજબ, એક દેશ પર હુમલો એ ત્રણેય પર હુમલો માનવામાં આવે છે. જોકે, હુથી બળવાખોરોના સાઉદી અરેબિયા પર હુમલા યથાવત્ છે.
પાકિસ્તાનનું શુ છે વલણ ?
છેલ્લા અઠવાડિયાથી સાઉદી અરેબિયા હુથી બળવાખોરોથી ભારે પ્રભાવિત છે. હુથી બળવાખોરોએ એક સાથે ચાર સાઉદી શહેરો પર હુમલો કર્યો હતો. આ હુમલામાં 73 સાઉદી ઘાયલ થયા હતા. સાઉદી અરેબિયાના તેલ વેપાર પર અસર પડી હતી. જેમાં દરરોજ 4 લાખ બેરલ તેલ નિકાસ સંપૂર્ણપણે બંધ થઈ હતી. આ છતાં, પાકિસ્તાન કે તુર્કી બંનેમાંથી કોઈએ કોઈ સહાય પૂરી પાડી નથી. પાકિસ્તાનના સંરક્ષણ પ્રધાન ખ્વાજા આસિફના મતે, પાકિસ્તાન સાઉદી અરેબિયાને બચાવવા માટે મધ્ય પૂર્વ યુદ્ધમાં કૂદી શકે છે.
ખ્વાજા આસિફની પ્રતિક્રિયા
આસિફના મતે, જો સાઉદી અરેબિયા પર હુથી બળવાખોરોના હુમલા ચાલુ રહેશે. તો તેઓ યુદ્ધમાં ઉતરી શકે છે. ખ્વાજાએ જણાવ્યું હતું કે સાઉદી અરેબિયા પર હુથી બળવાખોરોના હુમલાઓને કારણે મક્કા કરાર સક્રિય થયો છે. પત્રકારો સાથે વાત કરતા, ખ્વાજા આસિફે કહ્યું, "અમે સતર્ક છીએ." તેમણે વધુમાં જણાવ્યું હતું કે, મક્કા કરાર હેઠળ, સહાય પૂરી પાડવાની અમારી જવાબદારી નિર્વિવાદ છે.
શું છે મક્કા કરાર ?
સાઉદી અરેબિયા, પાકિસ્તાન અને તુર્કીએ તાજેતરમાં મક્કા કરાર પર હસ્તાક્ષર કર્યા છે. આ કરાર હેઠળ, એક દેશ પર કોઈપણ હુમલો ત્રણેય પર હુમલો માનવામાં આવશે. આ કરારમાં સંયુક્ત સંરક્ષણ કવાયતોનો પણ ઉલ્લેખ છે અને વિશ્વભરના અન્ય દેશોમાં તેનો વિસ્તરણ કરવાની હાકલ કરવામાં આવી છે. મક્કા કરાર 'નાટો'ના મોડેલ પર આધારિત છે. ભાગ લેનારા દેશો તેમના સંરક્ષણ બજેટ અને ગુપ્ત માહિતી એકબીજા સાથે શેર કરશે. તેને ઇસ્લામિક નાટો પણ કહેવામાં આવી રહ્યું છે.
સાઉદી અરેબિયામાં તૈનાત 8 હજાર સૈનિકો
સાઉદી અરેબિયામાં 8 હજાર પાકિસ્તાની સૈનિકો તૈનાત છે, પરંતુ પાકિસ્તાને હજુ સુધી હુથીઓ અંગે કોઈ નિર્ણય લીધો નથી. આ જ કારણ છે કે આ સૈનિકો સાઉદી અરેબિયામાં તૈનાત છે. પાકિસ્તાને આ વર્ષે સાઉદી અરેબિયાના રક્ષણ માટે આ સૈનિકો મોકલ્યા હતા. વધુમાં, વચન મુજબ, પાકિસ્તાન સાઉદી અરેબિયા અને તુર્કી જેવા દેશોની સુરક્ષા માટે 80 હજાર સૈનિકો તૈનાત કરી શકે છે. પાકિસ્તાને આ દેશોને પરમાણુ સુરક્ષાનું પણ વચન આપ્યું છે.
આ પણ વાંચોઃ પાંચ હજારથી વધુ લાપતા લોકોના મૃતદેહ વિના જ શરૂ કરાયા અંતિમ સંસ્કાર, જાણો કેમ?