વિશ્વભરના સંરક્ષણ નિષ્ણાતો આ જોડાણને ઇસ્લામિક નાટો કહી રહ્યા છે. ત્રણેય દેશો વચ્ચેના કરાર વિશ્વમાં ચર્ચાનું કેન્દ્ર બન્યુ છે.
કરાર વિશ્વમાં ચર્ચાનું કેન્દ્ર બન્યુ
પાકિસ્તાન, સાઉદી અરેબિયા અને તુર્કીએ એક નવા સંરક્ષણ કરાર પર હસ્તાક્ષર કર્યા છે. આ કરાર મુજબ, એક દેશ પર હુમલો ત્રણેય પર હુમલો માનવામાં આવશે. પાકિસ્તાન પીએમ શાહબાઝ શરીફ, તુર્કીના રાષ્ટ્રપતિ એર્દોગન અને સાઉદી ક્રાઉન પ્રિન્સ મોહમ્મદ બિન સલમાને સાઉદી અરેબિયાના પવિત્ર શહેર મક્કામાં સંયુક્ત રીતે આ કરારની જાહેરાત કરી હતી. કરાર દરમિયાન પાકિસ્તાનના આર્મી ચીફ અસીમ મુનીર સાક્ષી તરીકે હાજર હતા.
ઇસ્લામિક નાટોની સત્તાવાર જાહેરાત
કરાર બાદ, ત્રણેય દેશોએ એક સંયુક્ત નિવેદન બહાર પાડ્યું, જેમાં કહેવામાં આવ્યું કે આ કરાર ઇસ્લામિક એકતા જાળવવા માટે કરવામાં આવ્યો હતો. તેમાં જોગવાઈ છે કે ત્રણેય દેશોમાંથી કોઈપણ પર કોઈપણ સશસ્ત્ર હુમલો ત્રણેય પર હુમલો માનવામાં આવશે. આ કરારથી તુર્કીને પરમાણુ છત્ર પણ મળ્યું. ત્રણેય દેશો સંરક્ષણ સહયોગના તમામ પાસાઓને મજબૂત બનાવવા માટે જોગવાઈઓ પર કામ કરશે. કરારમાં એમ પણ કહેવામાં આવ્યું છે કે ભવિષ્યમાં અન્ય દેશોને પણ આ જોડાણમાં સામેલ કરવામાં આવી શકે છે. પાકિસ્તાન આ જોડાણના કેન્દ્રમાં છે, કારણ કે તે હાલમાં પરમાણુ શસ્ત્રો ધરાવતો એકમાત્ર મુસ્લિમ દેશ છે. સાઉદી અરેબિયાનું સંરક્ષણ બજેટ સૌથી વધુ $60 બિલિયન છે.
આ જોડાણથી કયા દેશોને ખતરો ?
1. સાઉદી અરેબિયાના દુશ્મનોઃ ઈરાન, યમન અને યુએઈ મધ્ય પૂર્વમાં સાઉદી અરેબિયાના દુશ્મનો છે. યમનના હુતી બળવાખોરો સતત સાઉદી અરેબિયા પર હુમલો કરી રહ્યા છે.
2. તુર્કીના દુશ્મનોઃ ગ્રીસ, સાયપ્રસ અને ઇઝરાયલને વૈશ્વિક સ્તરે તુર્કીનું દુશ્મન માનવામાં આવે છે. ટોચના ઇઝરાયલી નેતાઓએ તુર્કીને આગામી લક્ષ્ય તરીકે જાહેર કર્યું છે.
3. પાકિસ્તાનના દુશ્મનો: પાકિસ્તાન ભારત અને અફઘાનિસ્તાનને પોતાના દુશ્મન માને છે. પાકિસ્તાની આતંકવાદીઓએ બંને દેશો પર અનેક વખત હુમલો કર્યો છે.
આ પણ વાંચોઃ 'તમે ઈંડાથી ડરો છો? લોકોએ છાતી પર ગોળીઓ ખાધી હતી', SCએ Mahua Moitraને લગાવી ફટકાર