મિડલ ઈસ્ટમાં ચાલી રહેલા યુદ્ધની વચ્ચે ઈઝરાયેલના સંરક્ષણ મંત્રી ઈઝરાયલ કાટ્જે મોટો ખુલાસો કર્યો છે અને કહ્યું કે ઈરાનના સુપ્રીમ લીડર અયાતુલ્લાહ અલી ખામેનેઈને ખત્મ કરવાનો નિર્ણય ઈઝરાયેલે નવેમ્બર મહિનામાં જ લઈ લીધો હતો. તેમને કહ્યું કે આ કાર્યવાહીની યોજના લગભગ 6 મહિના બાદ લાગૂ કરવા માટે બનાવવામાં આવી હતી.
એક બેઠકમાં ખામેનેઈને ખત્મ કરવાનું લક્ષ્ય નક્કી કરવામાં આવ્યું
એક ઈન્ટરવ્યુમાં સંરક્ષણ મંત્રીએ કહ્યું કે નવેમ્બરમાં વડાપ્રધાન બેન્જામિન નેતન્યાહૂની સાથે એક બેઠક થઈ હતી, જેમાં ખામેનેઈને ખત્મ કરવાનું લક્ષ્ય નક્કી કરવામાં આવ્યું હતું. તે સમયે આ ઓપરેશન માટે 2026ના મધ્યનો સમય નિર્ધારિત કરવામાં આવ્યો હતો. કાટ્જ મુજબ ત્યારબાદ આ યોજનાની જાણકારી અમેરિકાને પણ આપવામાં આવી, ત્યારબાદ જાન્યુઆરીની આસપાસ તેને પહેલા લાગુ કરવાનો નિર્ણય લેવામાં આવ્યો. તેમને કહ્યું કે તે સમય ઈરાનમાં વિરોધ પ્રદર્શન વધી રહ્યા હતા અને ઈઝરાયેલને આશંકા હતી કે દબાણમાં આવીને ઈરાની શાસક ઈઝરાયેલ અને અમેરિકાના ઠેકાણાઓ પર હુમલો કરી શકે છે .
