મધ્ય પૂર્વમાં અમેરિકાનું સૌથી મહત્વપૂર્ણ લશ્કરી કેન્દ્ર કતારમાં આવેલું Al Udeid Air Base છે. દોહાની બહાર રણ વિસ્તારમાં આવેલો આ બેઝ અમેરિકાના લગભગ 10,000 સૈનિકોનું નિવાસસ્થાન છે અને અહીંથી સમગ્ર વિસ્તારમાં સૈન્ય કામગીરીનું સંચાલન થાય છે. આ બેઝ United States Central Command (CENTCOM)નું મુખ્ય મથક છે. તાજેતરની સેટેલાઇટ છબીઓ દર્શાવે છે કે અહીં ફાઇટર જેટ, ટ્રાન્સપોર્ટ એરક્રાફ્ટ અને પેટ્રિઅટ મિસાઇલ સિસ્ટમ ઝડપથી તૈનાત કરવામાં આવી છે, જે ઈરાની મિસાઇલ ખતરાને ધ્યાનમાં રાખીને કરવામાં આવ્યું છે.
Muwaffaq Salti Air Base
જોર્ડનમાં અઝરાક નજીક આવેલું Muwaffaq Salti Air Base પણ અમેરિકાના માટે અત્યંત વ્યૂહાત્મક મહત્વ ધરાવે છે. આ બેઝ ઈરાનની સરહદની તુલનામાં નજીક હોવાથી અહીંથી ઝડપથી હવાઈ કાર્યવાહી શક્ય બને છે. જાન્યુઆરી અને ફેબ્રુઆરી વચ્ચે અહીં F-15E ફાઇટર જેટ, A-10 ગ્રાઉન્ડ એટેક વિમાનો અને MQ-9 ડ્રોનની સંખ્યામાં નોંધપાત્ર વધારો થયો છે. આ બેઝથી લેવન્ટ વિસ્તારમાં અમેરિકી મિશનોનું સંચાલન થાય છે.
Prince Sultan Air Base
સાઉદી અરેબિયામાં રિયાધથી લગભગ 60 કિમી દક્ષિણમાં આવેલું Prince Sultan Air Base હવાઈ અને મિસાઇલ સંરક્ષણ માટે ખાસ જાણીતું છે. અહીં C-5 ગેલેક્સી અને C-17 જેવા ભારે પરિવહન વિમાનો જોવા મળ્યા છે. સાથે જ પેટ્રિઅટ અને THAAD જેવી અદ્યતન મિસાઇલ ડિફેન્સ સિસ્ટમ પણ તૈનાત છે. સાઉદી અરેબિયામાં હજારો અમેરિકી સૈનિકો સ્થાનિક સરકાર સાથે મળીને કામ કરી રહ્યા છે.
United States Fifth Fleet
બહેરીનમાં અમેરિકી નૌકાદળનું મુખ્ય મથક આવેલું છે, જ્યાંથી United States Fifth Fleet ગલ્ફ, લાલ સમુદ્ર અને અરબી સમુદ્રની સુરક્ષા સંભાળે છે. આ બેઝ દરિયાઈ માર્ગોની સુરક્ષા માટે અત્યંત મહત્વપૂર્ણ છે અને ઈરાન દ્વારા અહીંના ઠેકાણાને પણ નિશાન બનાવવામાં આવ્યું હોવાનું અહેવાલોમાં કહેવામાં આવ્યું છે.
Camp Arifjan
કુવૈતમાં આવેલું Camp Arifjan યુએસ આર્મી સેન્ટ્રલનું મુખ્ય મથક છે. આ બેઝ ઇરાક અને સીરિયામાં તૈનાત અમેરિકી દળો માટે લોજિસ્ટિક્સ અને સ્ટેજિંગ સેન્ટર તરીકે કામ કરે છે, જેનાથી સમગ્ર વિસ્તારમાં સૈન્ય સપ્લાય સુચારુ રહે છે.
Jebel Ali Port
યુનાઇટેડ આરબ અમીરાતમાં અબુ ધાબી નજીકનું Al Dhafra Air Base યુએસ અને યુએઈ એરફોર્સ દ્વારા સંયુક્ત રીતે ઉપયોગમાં લેવામાં આવે છે. અહીંથી ISIS સામેની કામગીરી અને જાસૂસી મિશનો ચલાવવામાં આવે છે. સાથે જ દુબઈનું Jebel Ali Port મધ્ય પૂર્વમાં અમેરિકી નૌકાદળ માટે સૌથી મોટું અને મહત્વપૂર્ણ બંદર છે.
Erbil Air Base
ઇરાકમાં પશ્ચિમ અંબાર પ્રાંતમાં આવેલું Al Asad Airbase અગાઉ પણ ઈરાની મિસાઇલ હુમલાનો સામનો કરી ચૂક્યું છે. ઉત્તર ઇરાકમાં Erbil Air Base અમેરિકી અને ગઠબંધન દળો માટે તાલીમ અને ગુપ્ત માહિતી વહેંચણીનું કેન્દ્ર છે.
Incirlik Air Base
તુર્કીમાં અદાના પ્રાંતમાં આવેલું Incirlik Air Base અમેરિકા અને તુર્કી વચ્ચેના સંયુક્ત સંચાલન હેઠળ કાર્ય કરે છે. આ બેઝ ISIS સામેની ગઠબંધન કામગીરી માટે મહત્વપૂર્ણ છે અને અહીં અમેરિકાના પરમાણુ હથિયારો પણ રાખવામાં આવ્યા હોવાનું માનવામાં આવે છે.
અમેરિકા અને ઈરાન વચ્ચેના તણાવ
અમેરિકા અને ઈરાન વચ્ચેના તણાવની પૃષ્ઠભૂમિમાં અમેરિકી રાષ્ટ્રપતિ Donald Trump ઈરાન સાથે પરમાણુ કરાર ઈચ્છતા હતા, પરંતુ સાથે સાથે તેઓ ઈરાનના બેલિસ્ટિક મિસાઇલ કાર્યક્રમને રોકવાની માંગ પણ કરતા હતા. ઈરાનના ઇનકાર બાદ બંને દેશો વચ્ચે સ્થિતિ વધુ ગંભીર બની છે. સેટેલાઇટ છબીઓમાં જાન્યુઆરીથી ફેબ્રુઆરી 2026 દરમિયાન મધ્ય પૂર્વમાં અમેરિકી ફાઇટર જેટ, ટેન્કર અને મિસાઇલ સંરક્ષણ પ્રણાલીઓમાં ઝડપી વધારો સ્પષ્ટ દેખાય છે, જે સંભવિત મોટા સંઘર્ષની ચેતવણી આપે છે.
આ પણ વાંચો : Israel Iran conflict : એ જ પેટર્ન, એ જ પરિણામ! ઇઝરાયલે ઈરાનને 8 મહિના જૂના યુદ્ધની યાદ અપાવી
