તે લાંબા સમયથી ગુપ્ત મિશનમાં સામેલ હતો. તેની યુક્તિઓએ ઈઝરાયલની કામગીરીને મજબૂત બનાવી હતી.
કુલ ચાર લોકોના થયા હતા મોત
ઈઝરાયલી ગુપ્તચર એજન્સીના વડા ડેવિડ બાર્નીઆએ દાવો કર્યો છે કે 2023 માં ઈટાલીમાં બોટ અકસ્માતમાં માર્યા ગયેલા એજન્ટે તાજેતરના ઈરાન ઓપરેશનમાં મુખ્ય ભૂમિકા ભજવી હતી. ઈરાનમાં ઈઝરાયલની હાલની સફળતા મોટાભાગે આ એજન્ટની ક્રિયાઓને આભારી છે. આ એજન્ટ, જેની ઓળખ ફક્ત તેના નામના આદ્યાક્ષરો, 'એમ' દ્વારા કરવામાં આવી હતી, તે મે 2023 માં ઈટાલીના લેક મેગીઓર પર બોટ અકસ્માતમાં માર્યો ગયો હતો. તે અકસ્માતમાં કુલ ચાર લોકોના મોત થયા હતા.
ઇરાન સામે મહત્ત્વની ભૂમિકા
ઇટાલિયન મીડિયા અહેવાલો અનુસાર, તે સમયે એજન્ટની ઓળખ 50 વર્ષીય ઇરેઝ શિમોની તરીકે કરવામાં આવી હતી. જે એક ઉપનામ માનવામાં આવે છે. તે 30 વર્ષથી મોસાદ એજન્ટ હતો. તેની વાસ્તવિક ઓળખ જાહેર કરવામાં આવી ન હતી. અહેવાલ મુજબ, મોસાદના વડાએ મેમોરિયલ ડે પર એજન્સીના મુખ્યાલયમાં જણાવ્યું હતું કે "એમ" લાંબા સમયથી ઇઝરાયલની સુરક્ષા માટે ગુપ્ત રીતે કામ કરતો હતો અને ઈરાન સામેના તાજેતરના ઓપરેશનમાં મહત્વપૂર્ણ ભૂમિકા ભજવી હતી.
ઇઝરાયલમાં મોસાદ એજન્ટની દફનવિધી
અકસ્માત પછી, 'એમ' ના મૃતદેહને ઇઝરાયલ લાવવામાં આવ્યો, જ્યાં તેમને એશ્કેલોન લશ્કરી કબ્રસ્તાનમાં દફનાવવામાં આવ્યા. અંતિમ સંસ્કારમાં મોસાદના ઘણા વરિષ્ઠ અધિકારીઓ હાજર રહ્યા. મોસાદના વડાએ એજન્ટને "મૂલ્યવાન, સમર્પિત અને વફાદાર માણસ" તરીકે વર્ણવતા કહ્યું કે તેમણે આખી જિંદગી ગુપ્ત રીતે કામ કર્યું છે અને તેમની ઘણી સિદ્ધિઓ હજુ પણ ગુપ્ત રાખવામાં આવી છે.
આ પણ વાંચોઃ IRGCએ જહાજ પર કરી અંધાધૂંધ ફાયરિંગ, કંટ્રોલ રૂમ થયો તબાહ
