સોશિયલ મીડિયા પર ક્યારે શું જોવા મળે તેનો કોઈ ભરોસો નથી. તાજેતરમાં પાકિસ્તાનનો એક એવો વીડિયો વાયરલ થયો છે, જેને જોઈને લોકોના હોશ ઉડી ગયા છે. આ વીડિયોમાં એક રસોઇયા બિલકુલ સામાન્ય અંદાજમાં એક વિચિત્ર પ્રયોગ કરતો નજરે પડે છે, જેની કલ્પના શાયદ જ કોઈએ કરી હશે. સામાન્ય રીતે ઘઉં કે મેંદાના લોટ, પાણી અને અન્ય ખાદ્ય સામગ્રીથી નાન બનાવવામાં આવે છે, પરંતુ આ વીડિયોમાં રસોઇયાએ નાન બનાવતી વખતે લોટમાં ગુટખા એટલે કે તમાકુના પાઉચ ભેળવી દીધા છે.
તમાકુના સ્ટફિંગની રોટલી બનાવી
વીડિયોમાં સ્પષ્ટપણે જોઈ શકાય છે કે રસોઇયા પહેલા ગુટખાના કેટલાક પાઉચ હાથમાં લે છે, તેને એક પછી એક ફાડી નાખે છે અને તેની અંદર રહેલી તમાકુ અને મસાલાની સામગ્રી સીધી નાનના લોટમાં નાખી દે છે. સૌથી આશ્ચર્યજનક અને ચિંતાજનક બાબત એ છે કે તે આ બધું ખૂબ જ સામાન્ય રીતે કરી રહ્યો છે. ત્યારબાદ તે પોતાના હાથોથી આ લોટને સરખી રીતે ભેળવી દે છે અને સામાન્ય નાનની જેમ જ તેનો લોટ તૈયાર કરે છે.
https://www.instagram.com/reel/Dc_W0gWKqSH/?utm_source=ig_web_copy_link&stkn=NTc4MTIwNjQ2YQ==
બોલો લોકો કેવું કેવું કરે છે...
લોટ તૈયાર થઈ ગયા બાદ તે તેને સામાન્ય રીતે રોલઆઉટ કરીને તંદૂરમાં બેક કરવા માટે મૂકી દે છે. થોડી જ વારમાં નાન તૈયાર થઈને બહાર આવે છે, જે દેખાવમાં તો બીજા સામાન્ય નાન જેવી જ લાગે છે, પરંતુ તેમાં તમાકુ કે ગુટખા ભેળવેલા હોવાને કારણે તે સ્વાસ્થ્ય માટે અત્યંત ખતરનાક બની જાય છે.
લોકો જબરદસ્ત મજાક ઉડાવી રહ્યા છે
આ વીડિયો સોશિયલ મીડિયા પર વાયરલ થતાં જ યૂઝર્સ દ્વારા અનેક પ્રકારની રમુજી અને ટીકાત્મક પ્રતિક્રિયાઓ સામે આવી રહી છે. કેટલાક લોકોએ તેને 'ગુટખા નાન' નામ આપ્યું છે, તો વળી કેટલાક લોકો મજાકમાં પૂછી રહ્યા છે કે શું આ નાન સાથે પાણીની બોટલ કે કોઈ ખાસ ચટણી પણ આપવામાં આવશે? આ સિવાય ઘણા ગંભીર યૂઝર્સે ખોરાક સાથે આવા ખતરનાક પ્રયોગો કરવા સામે સવાલો ઉઠાવ્યા છે. લોકોનું કહેવું છે કે સોશિયલ મીડિયા પર વાયરલ થવા અથવા વ્યૂઝ મેળવવા માટે ખોરાક સાથે ચેડાં કરવા અને તેમાં તમાકુ જેવી હાનિકારક વસ્તુઓ ભેળવવી એ તદ્દન ખોટું અને અસ્વાસ્થ્યવર્ધક છે. તબીબી દૃષ્ટિએ પણ તમાકુ સ્વાસ્થ્ય માટે હાનિકારક છે, ત્યારે આ પ્રકારના વીડિયો યુવાનો અને સમાજમાં ખોટો સંદેશ ફેલાવે છે.
આ પણ વાંચોઃ Donald Trump: ચૂંટણી જીતવા ટ્રમ્પે ભારત પાસેથી શીખ લીધી કે શું? દરેક મતદાર નાગરિકને $5,000 ડોલરના સહાયની કરી જાહેરાત
