તાન્ઝાનિયામાં આફ્રિકાના સૌથી ઊંચા પર્વત માઉન્ટ કિલિમંજારો પર એક હેલિકોપ્ટર દુર્ઘટનામાં પાંચ લોકોનાં મોત થયા છે. પોલીસે તેને પર્વત પર ફસાયેલા દર્દીઓને બહાર કાઢવા માટે ચલાવવામાં આવેલા બચાવ અભિયાન દરમિયાન થયેલી દુર્ઘટના તરીકે જણાવ્યુ છે. પોલીસના જણાવ્યા મુજબ, મૃત્યુ પામનારાઓમાં કિલિમંજારો પરથી તબીબી સહાય માટે બહાર કાઢવામાં આવેલા બે વિદેશી નાગરિકો સામેલ હતા. આ દુર્ઘટનામાં એક સ્થાનિક ડોક્ટર, એક ટૂર ગાઈડ અને એક પાયલોટનું પણ મોત થયું છે.
બચાવ અભિયાન દરમિયાન હેલિકોપ્ટર ક્રેશ
પોલીસે જણાવ્યું કે આ દુર્ઘટના પર્વતના બારાફુ કેમ્પ અને કિબો શિખર વચ્ચે 4,000 મીટર (13,100 ફૂટ)થી વધુ ઊંચાઈ પર થઈ હતી. બે વિદેશી નાગરિકોને બચાવવા માટે ચલાવવામાં આવેલા બચાવ અભિયાન દરમિયાન આ હેલિકોપ્ટર દુર્ઘટનાગ્રસ્ત થયું હતું.
