આ ઘટનાથી અટકળો તેજ થઈ છે કે શું શી જિનપિંગને અંદરથી કોઈ પ્રકારનો ખતરો અનુભવાઈ રહ્યો છે? હકીકતમાં, છેલ્લા કેટલાક મહિનાઓમાં ચીને ભ્રષ્ટાચાર વિરોધી અભિયાન હેઠળ ઘણા વરિષ્ઠ સૈનિક અધિકારીઓ સામે કાર્યવાહી કરી છે. તેમાં રક્ષા મંત્રાલય સાથે જોડાયેલા મોટા નામો અને રોકેટ ફોર્સના ટોચના અધિકારીઓ પણ સામેલ હોવાનું કહેવાઈ રહ્યું છે. રોકેટ ફોર્સને ચીનની પરમાણુ અને મિસાઈલ શક્તિની રીડ માનવામાં આવે છે, તેથી ત્યાં ચાલી રહેલી તપાસને ખૂબ જ સંવેદનશીલ ગણવામાં આવી રહી છે.
નિષ્ણાતોના મતે આ માત્ર ભ્રષ્ટાચારનો મામલો નથી
નિષ્ણાતોના મતે આ માત્ર ભ્રષ્ટાચારનો મામલો નથી, પરંતુ તેના પાછળ સત્તા પર પકડ વધુ મજબૂત કરવાની રણનીતિ પણ હોઈ શકે છે. શી જિનપિંગ લાંબા સમયથી સેના પર સંપૂર્ણ નિયંત્રણ સ્થાપિત કરવાનો પ્રયાસ કરી રહ્યા છે. ચીનમાં સેના સત્તાનું મજબૂત આધાર માનવામાં આવે છે અને ઇતિહાસ સાક્ષી છે કે સૈનિક સમર્થન કોઈપણ નેતાની સ્થિરતા માટે અત્યંત મહત્વપૂર્ણ હોય છે.
શી જિનપિંગ સંભવિત અસંતોષ અથવા ગૃપબાજીને પહેલાથી જ દબાવી દેવા માગે છે
કેટલાક રિપોર્ટમાં એવો દાવો પણ કરવામાં આવી રહ્યો છે કે શી જિનપિંગ સંભવિત અસંતોષ અથવા ગૃપબાજીને પહેલાથી જ દબાવી દેવા માગે છે. આ કારણે એવા જનરલોને નિશાન બનાવવામાં આવી રહ્યા છે જેમની વફાદારી પર પ્રશ્ન ઉઠી શકે છે અથવા જેમનો પ્રભાવ અત્યંત વધી ગયો છે. જોકે, ચીનની સરકારે કોઈપણ પ્રકારના સુરક્ષા ખતરા અથવા તખ્તાપલટની આશંકાને સ્પષ્ટ રીતે નકારી કાઢી છે.
શી જિનપિંગનું આ પગલું તેમને વધુ શક્તિશાળી બનાવે છે
રાજકીય વિશ્લેષકોનું માનવું છે કે શી જિનપિંગનું આ પગલું તેમને વધુ શક્તિશાળી બનાવે છે, પરંતુ તેની સાથે સેના અંદર ડર અને અસંતોષ પણ વધી શકે છે. હાલ તપાસનો વ્યાપ ક્યાં સુધી જશે તે સ્પષ્ટ નથી, પરંતુ એટલું નક્કી છે કે આ મામલો ચીનની રાજનીતિ અને સૈનિક માળખા પર લાંબા ગાળાની અસર કરશે. સવાલ એ જ છે કે શું આ માત્ર ભ્રષ્ટાચાર વિરુદ્ધની કાર્યવાહી છે કે પછી શી જિનપિંગ કોઈ મોટા ખતરને પહેલાંથી જ ખતમ કરવાની કોશિશ કરી રહ્યા છે.
આ પણ વાંચો: Greenland: ચીન એ તમામને ભરખી જશે, ગ્રીનલેન્ડ વિવાદ વચ્ચે કેનેડા-ચીન સંબંધો પર ભડક્યા ટ્ર્મ્પ
