Donald Trumpના વિરોધમાં ઉતર્યા મુસ્લિમ દેશો, કહ્યું, 'હવે થશે વિનાશ'

અમેરિકા તરફથી ઈરાનના પરમાણુ ઠેકાણાઓ પર કરવામાં આવેલા હવાઈ હુમલાઓ અને તેના પછી ઈઝરાયલ પર ઈરાનની મિસાઈલોના વરસાદ પછી પશ્ચિમ એશિયામાં સ્થિતિ વધુ ગંભીર થઈ ગઈ છે. આ વચ્ચે સાઉદી અરબ, કતર અને ઓમાન તેમજ પાકિસ્તાને પણ આ સંકટ પર પોતાનું સ્ટેન્ડ દુનિયા સમક્ષ રાખ્યું છે. 

ઈઝરાયલ ઈરાનના યુદ્ધમાં એ સ્પષ્ટ છે કે પશ્ચિમ દેશ પુરી રીતે ઈઝરાયલનો સાથ આપી રહ્યા છે. જો કે ઈરાન તરફથી હજી સુધી કોઈ ખુલીને બોલી રહ્યું નહોતું. પરંતું અમેરિકાના આ કૃત્ય બાદ કેટલાક મુસ્લિમ દેશો અમેરિકાને ધમકી આપી રહ્યા છે. મજાની વાત તો એ છે કે પાકિસ્તાન પણ આ લાઈનમાં હાજર છે. જેના ફિલ્ડ માર્શલ થોડા દિવસ પહેલા જ ડોનાલ્ડ ટ્રમ્પનું નમક ખાઈને પાછા આવ્યા છે. 

પાકિસ્તાને નિંદા વ્યક્ત કરી

ઈઝરાયલ અને ઈરાનના યુદ્ધમાં પાકિસ્તાનના પ્રધાનમંત્રી શાહબાઝ શરીફ પણ કુદી પડ્યા. તેમણે પોતાની પ્રતિક્રિયા આપતા જણાવ્યું હતું કે હું ઈરાન પર કરવામાં આવેલા હુમલાની નિંદા કરુ છું. આ હુમલામાં થયેલા મૃત્યુ પર ઈરાની લોકો પ્રત્યે મારી સંવેદના વ્યક્ત કરું છું, આ ખૂબ ચિંતાજનક કૃત્ય છે. 

અત્યાર સુધીમાં જે જે દેસોની અમેરિકાના વિરુદ્ધમાં પ્રતિક્રિયા આવી છે તે છે પાકિસ્તાન, ઓમાન અને કતર. કતરના વિદેશ મંત્રાલયે અમેરિકાના આ કૃત્યની નિંદા કરતા જણાવ્યું હતું કે અમે અમેરિકાના હવાઈ હુમલાઓની નિંદા કરીયે છીએ. આ હુમલાના વૈશ્વિક સ્તરે વિનાશકારી પરિણામ આવી શકે છે.