કોર્ટે બેંક ઓફ ઈન્ડિયાના પક્ષમાં ચુકાદો આપ્યો છે અને નીરવ મોદીને 100 કરોડથી વધુની લોન ચૂકવવાનો આદેશ કર્યો છે.
કરોડ રૂપિયાના મોટા પાયે છેતરપિંડીનો મામલો
લંડનની સર્કિટ કોમર્શિયલ કોર્ટના ન્યાયાધીશ સિમોન ટિંકલરે ચુકાદો આપ્યો છે. આ વિવાદ જુલાઈ 2012માં બેંક ઓફ ઈન્ડિયા દ્વારા નીરવ મોદીની દુબઈ સ્થિત કંપની, ફાયરસ્ટાર ડાયમંડ FZEને આપવામાં આવેલી લોન સાથે સંબંધિત છે. નીરવ મોદીએ 3 ઓગસ્ટ 201ના રોજ લોન માટે વ્યક્તિગત ગેરંટી આપી હતી. આનો અર્થ એ થયો કે, જો કંપની લોન ચૂકવવામાં ડિફોલ્ટ કરે છે. તો નીરવ મોદીએ પોતાના ખિસ્સામાંથી પૈસા ચૂકવવા પડશે. 2018ની શરૂઆતમાં, જ્યારે પંજાબ નેશનલ બેંક સાથે સંકળાયેલા હજારો કરોડ રૂપિયાના મોટા પાયે છેતરપિંડીનો મામલો સામે આવ્યો હતો.
કોર્ટમાં નીરવ મોદીના ખોટા દાવા
લંડનની જેલમાં કેદ નીરવ મોદીએ ભારત પ્રત્યાર્પણ ટાળવા માટે લડત ચલાવી હતી અને આ કેસ રદ કરવાનો પ્રયાસ કર્યો હતો. નીરવ મોદીએ કોર્ટમાં ત્રણ મુખ્ય દલીલો રજૂ કરી હતી. જેને ન્યાયાધીશે ફગાવી દીધી હતી.
1. ગેરંટી લાગુ કરી શકાતી નથી
કોર્ટે કહ્યું કે ગેરંટી સંપૂર્ણપણે માન્ય અને કાયદેસર રીતે લાગુ કરી શકાય તેવી છે.
2. તેમને બેંક તરફથી કોઈ નોટિસ કે માંગ પત્ર મળ્યો નથી
નીરવ મોદીએ દાવો કર્યો હતો કે તેમને એપ્રિલ 2018 અને ઓક્ટોબર 2025 માં મોકલવામાં આવેલી ડિમાન્ડ નોટિસ ક્યારેય મળી નથી કારણ કે તેઓ ભારતમાં નહોતા. ન્યાયાધીશ ટિંકલરે જણાવ્યું હતું કે બેંકે થેમ્સાઇડ જેલને સીધી નોટિસ પણ મોકલી હતી, જ્યાં નીરવને રાખવામાં આવ્યો હતો, તેથી આ બહાનું કામ કરશે નહીં.
3. લોન રદ કરવાનું કોઈ ફરજિયાત કારણ નહોતું
કોર્ટે જણાવ્યું હતું કે ફેબ્રુઆરી 2018 માં પીએનબી કૌભાંડના સમાચાર બહાર આવ્યા પછી, તે સ્પષ્ટ હતું કે નીરવ મોદીની આખી કંપની અને તેની વ્યક્તિગત ગેરંટીનું મૂલ્ય ઘટી ગયું છે. તેથી, બેંક લોન પાછી માંગવામાં વાજબી હતી.
કોર્ટનો અંતિમ નિર્ણય
ન્યાયાધીશ સિમોન ટિંકલરે ચુકાદો આપ્યો કે નીરવ મોદી તેમની વ્યક્તિગત ગેરંટી હેઠળ આશરે 389 મિલિયનની મૂળ રકમ બેંકને ચૂકવવા માટે સીધી રીતે જવાબદાર છે. આ રકમ બેંકના નિયમોના આધારે ગણતરી કરાયેલા સંપૂર્ણ વ્યાજમાં ઉમેરવામાં આવશે. મોદી કોર્ટમાં કોઈ મજબૂત બચાવ અથવા મજબૂત દલીલ રજૂ કરવામાં નિષ્ફળ ગયા કે બેંક આ રકમ માટે હકદાર નથી.
આ પણ વાંચોઃ જાપાની PM સનાઈ તાકાઈચીનો ગુવાહાટી પ્રવાસ રદ, જાણો CM હિમંતા બિસ્વા સરમાએ શુ કહ્યુ?
