બલોચ લિબરેશન આર્મીએ પાકિસ્તાનના નાકમાં દમ કરી રાખ્યો છે. બલોચ આર્મી બલૂચિસ્તાનમાં પાકિસ્તાનની સેના પર સતત હુમલાઓ કરી રહી છે. આ હુમલાઓમાં પાકિસ્તાનની સેનાના 50 જવાનો માર્યા ગયા છે અને ખુફિયા એજન્સીના 9 એજન્ટો માર્યા ગયા છે. આ સિવાય 51 જવાનો ઘાયલ થયા છે. બલોચ આર્મીએ દાવો કર્યો છે કે 9 જુલાઈથી 11 જુલાઈ સુધીમાં પાકિસ્તાનની સેનાના 84 ઠેકાણાઓ પર હુમલો કર્યો હતો.
મળતી માહિતી પ્રમાણે બલોચ આર્મીએ પાકિસ્તાનની મિલિટ્રી ઈન્ટલિજન્ટ્સ અને આઈએસઆઈના 9 એજન્ટોને મારી નાખ્યા છે. બલોચ આર્મીએ આ ઓપરેશને બીએએમ નામ આપ્યું છે. મળતી માહિતી પ્રમાણે આર્મીએ 72 કલાકો સુધી ચાલેલા ઓપરેશનમાં ઘણા ખનીજ અને ગેસ ટેન્કરોને પણ નિશાન બનાવ્યા છે. આ સિવાય પાકિસ્તાનની સેનાએ બલોચ આર્મીના પાંચ ડ્રોન ધ્વસ્ત કર્યા હતા. બીએલએ અનુસાર તેણે લગભગ પાકિસ્તાની સેના પર 30 હુમલાઓ કર્યા છે. જેમાં 2 હુમલા પાકિસ્તાનની ખૂફિયા એજન્સી પર, 4 હુમલા પોલીસની ચેક પોસ્ટ પર અને 4 હુમલાઓ સેનાની ચેકપોસ્ટ પર કર્યા છે.
