Pakistan News: પીએમ શહબાઝ શરીફે જળ સંગ્રહ માટે લીધા પગલા, જાણો શું કરી કાર્યવાહી?

ખૈબર પખતૂનખ્વા અને ગિલગિટ-બાલ્ટિસ્તાન વચ્ચે ડાયમર ભાષા ડેમ બનાવવામાં આવી રહ્યો છે. જેની શરૂઆત ઇમરાન ખાન સરકારમાં કરવામાં આવી હતી. પરંચતુ સ્થાનિકોના વિરોધના કારણે આ કામ અધવચ્ચે જ એટકાવવામાં આવ્યુ હતુ. ડાયમર ભાષા ડેમના કારણે પાકિસ્તાન મોટા પ્રમાણમાં પાણી સંગ્રહ કરી શકશે. કારણ કે તેની ક્ષમતા વધુ હોવાથી અહીંના લોકોમાં આનંદ જોવા મળી રહ્યો છે.

પાણી માટે પાકિસ્તાનની યોજના

જમ્મૂ-કાશ્મીરના પહલગામમાં આતંકી હુમલો કર્યા બાદ ભારતે દુશ્મન દેશને જડબાતોડ જવાબ આપ્યો હતો. પાકિસ્તાનને પાઠ ભણવવા માટે ભારતે સિંધુ જળ કરાર સમજૂતિ અટકાવી હતી. જેને કારણે પાડોશી દેશને પાણીની સમસ્યાનો સામનો કરવો પડી રહ્યો હતો. હવે પાકિસ્તાને જળ સંગ્રહ વધારવાની ક્ષમતા માટે યોજના બનાવી છે. પીએમ શહબાઝ શરીફે જણાવ્યુ હતુ કે, ડાયમર ભાષા ડેમ અને અન્ય સંસાધનોનો ઉપયોગ કરીને પાણી ભંડારની ક્ષમતા વધારશે.

ડાયમર ભાષા ડેમ કેમ ચર્ચામાં ?

ડાયમર ભાષા ડેમ ખૈબર પખતૂનખ્વાના કોહિસ્તાન અને ગિલગિટ-બાલ્ટિસ્તાન વચ્ચેના ડાયમર જિલ્લામાં બની રહ્યો છે. ઇમરાન ખાનની સરકાર દરમિયાન આ બાંધકામ શરુ કરાયુ હતુ. પરંતુ ભારતે આ મામલે આપત્તિ દર્શાવી હતી. કારણે તે ગેરકાયદેસર વિસ્તારમાં બનાવવામાં આવી રહ્યો હતો. ભારત સાથે પાકિસ્તાનના સ્થાનિકો પણ આ ડેમનો વિરોધ કરી રહ્યા હતા. સ્થાનિકોએ એ સમયે કહ્યુ હતુ કે, જ્યાં સુધી માગ નહીં સંતોષાય ત્યાં સુધી ડેમ નહી બનવા દઇએ.