પાકિસ્તાન કબજા હેઠળના કાશ્મીર (PoK) ના રાવલકોટ વિસ્તારમાં એકવાર ફરીથી સ્થિતિ અત્યંત ગંભીર અને હિંસક બની ગઈ છે. સ્થાનિક નાગરિકોના વિરોધ પ્રદર્શનને કચડી નાખવા માટે પાકિસ્તાની સેનાએ રહેણાંક વિસ્તારો અને નિઃશસ્ત્ર પ્રદર્શનકારીઓ પર સીધો ગોળીબાર કરવાની સાથે ડ્રોન હુમલા પણ શરૂ કર્યા છે. ગુરુવારે સવારે આશરે ૫ વાગ્યાથી રાવલકોટના ઉમર ફારૂક ચોક ખાતે સૈન્ય દળો દ્વારા કરવામાં આવેલા આ અંધાધૂંધ હુમલામાં ઓછામાં ઓછા ૩ નાગરિકોના મોત થયા છે અને ૧૮ થી વધુ લોકો ગંભીર રીતે ઘાયલ થયા હોવાના ચોંકાવનારા અહેવાલો સામે આવ્યા છે.
PoKમાં હજારો લોકોનું જનઆંદોલન
ઘટનાસ્થળેથી સામે આવેલા વીડિયો અને તસવીરોમાં અનેક ઘરોમાં આગ લાગેલી જોઈ શકાય છે. સ્થાનિક લોકો સેના દ્વારા ઉપયોગમાં લેવાયેલા છરા અને કારતૂસના અવશેષો બતાવીને વિરોધ નોંધાવી રહ્યા છે. પ્રદર્શનકારીઓનો આરોપ છે કે જનરલ અસીમ મુનીરના નેતૃત્વ હેઠળની પાકિસ્તાની સેના જાણીજોઈને સામાન્ય નાગરિકો, મહિલાઓ અને બાળકોને પણ નિશાન બનાવી રહી છે. જૂન ૨૦૨૬ માં શરૂ થયેલા આ જનઆંદોલન બાદથી અત્યાર સુધીમાં પાકિસ્તાની દળો દ્વારા ૧૫૩ થી વધુ નિર્દોષ લોકોની હત્યા કરવામાં આવી ચૂકી છે.
https://x.com/burhan_uddin_0/status/2118209268717642093?ref_src=twsrc%5Etfw%7Ctwcamp%5Etweetembed%7Ctwterm%5E2118209268717642093%7Ctwgr%5E%7Ctwcon%5Es1_c10&ref_url=