Zohran Mamdaniની ટીમમાં જોડાઇ પાકિસ્તાની મહિલા Lina Khan, આર્થિક નીતિઓ પર કરશે ધ્યાન કેન્દ્રિત

ભૂતપૂર્વ FTC અધ્યક્ષ લીના ખાન આર્થિક નીતિઓ પર મમદાનીને સલાહ આપશે. તેમણે અગાઉ એમેઝોન કંપની સામે કડક પગલાં લીધા હતા.

પાકિસ્તાની મૂળની મહિલાને સ્થાન

ન્યૂયોર્ક શહેરના ભારતીય મૂળના મેયર ઝોહરાન મમદાનીએ તાજેતરમાં તેમની ટીમમાં પાકિસ્તાની મૂળની મહિલા ઉમેરી છે. મમદાનીએ તાજેતરમાં ભૂતપૂર્વ ફેડરલ ટ્રેડ કમિશન અધ્યક્ષ લીના ખાનને તેમની ટ્રાન્ઝિશન ટીમમાં ઉમેર્યા છે. પાકિસ્તાની મૂળના અને બ્રિટિશ મૂળના ડેમોક્રેટ લીના ખાનને તેમની કડક એન્ટિ-ટ્રસ્ટ નીતિઓને કારણે ઘણી મોટી કંપનીઓનો રોષ સહન કરવો પડ્યો છે. અહેવાલો અનુસાર, લીના ખાનનો જન્મ બ્રિટનમાં થયો હતો, પરંતુ તેના માતાપિતા પાકિસ્તાની છે. તેણી 11 વર્ષની ઉંમરે યુનાઇટેડ સ્ટેટ્સ ગઈ હતી.

FTCના અધ્યક્ષ તરીકે આપી છે સેવા

લીના ખાને 15 જૂન 2021 થી 20 જાન્યુઆરી 2025 સુધી FTCના અધ્યક્ષ તરીકે સેવા આપી હતી. તે એન્ટિટ્રસ્ટ અને કન્ઝ્યુમર પ્રોટેક્શન એજન્સીનું નેતૃત્વ કરનારી સૌથી નાની ઉંમરની વ્યક્તિ બની હતી. ભૂતપૂર્વ રાષ્ટ્રપતિ જો બિડેનના કાર્યકાળ દરમિયાન તેણીએ 32 વર્ષની ઉંમરે આ પદ સંભાળ્યું હતું. FTCની વેબસાઇટ અનુસાર, લીના ખાને પોતાની કારકિર્દીની શરૂઆત બિઝનેસ રિપોર્ટર અને એન્ટિટ્રસ્ટ ક્ષેત્રમાં સંશોધક તરીકે કરી હતી. જ્યાં તેણીએ વિવિધ બજારોમાં કોર્પોરેટ કોન્સોલિડેશનમાં વધારો કરવાનો અભ્યાસ કર્યો હતો.

મહત્વાકાંક્ષી એજન્ડાને કરાશે પૂર્ણ

લીના ખાને પોડ સેફ અમેરિકા સાથેની એક મુલાકાતમાં જણાવ્યું હતું કે, તે મેયર પાસે રહેલી સત્તાઓની સંપૂર્ણ શ્રેણીને સમજવાનો પ્રયાસ કરી રહી છે જેથી તે 1 જાન્યુઆરી 2026ના રોજ મામદાનીના ઉદ્ઘાટન માટે યોગ્ય રીતે તૈયારી કરી શકે. તે આર્થિક નીતિઓ અને કર્મચારીઓની બાબતો પર ઝોહરાન મામદાનીને સલાહ આપી રહી છે. તેણીએ કહ્યું કે તેની ભૂમિકાનો એક ભાગ એ સુનિશ્ચિત કરવાનો હતો કે નવી વહીવટી ટીમ શહેરને વધુ સસ્તું બનાવવાના તેના મહત્વાકાંક્ષી એજન્ડાને પૂર્ણ કરી શકે.