લાલ સમુદ્રના વ્યૂહાત્મક જળમાર્ગ પર તણાવ ચરમસીમાએ પહોંચી ગયો છે. યમનના ઈરાન-સમર્થિત હુથી બળવાખોરોએ લાલ સમુદ્રમાં સાઉદી અરેબિયાના બે મુખ્ય તેલ ટેન્કરો પર ભીષણ હુમલો કરવાની જવાબદારી સત્તાવાર રીતે સ્વીકારી લીધી છે. આ હુમલો સાઉદી અરેબિયન દળો દ્વારા સના એરપોર્ટ પર કરવામાં આવેલા હવાઈ હુમલાના થોડા દિવસો બાદ થયો છે, જેના કારણે રિયાધ અને હુથી જૂથ વચ્ચેનો સંઘર્ષ હવે વધુ આક્રમક વળાંક લઈ ચૂક્યો છે.
હુતી વિદ્રોહિયોએ કર્યો હુમલાનો દાવો
હુતી જૂથના સત્તાવાર પ્રવક્તા બ્રિગેડિયર જનરલ યાહ્યા સારી કાસિમ સારીએ ટેલિગ્રામ પર જારી કરેલા એક નિવેદનમાં દાવો કર્યો છે કે તેમના દળોએ 'એન્સેલિયા' અને 'લાયલા' નામના બે સાઉદી અરેબિયન તેલ ટેન્કરોને ચોક્કસ નિશાન બનાવ્યા હતા. હૌતી પ્રવક્તાના જણાવ્યા મુજબ, આ કાર્યવાહી ખાસ લશ્કરી અભિયાન અંતર્ગત કરવામાં આવી હતી, કારણ કે આ જહાજોએ લાલ સમુદ્રમાં હુથી દ્વારા લાદવામાં આવેલા નાકાબંધી અને ઘેરાબંધીનું ઉલ્લંઘન કર્યું હતું. હુથી બળવાખોરોનું માનવું છે કે સાઉદી અરેબિયા દ્વારા છેલ્લા ૧૨ વર્ષથી યમનના લોકો પર અત્યાચારી ઘેરો નાખવામાં આવ્યો છે, અને તેના જવાબમાં તેઓ "ઘેરા માટે ઘેરાબંધી" ની નીતિ અપનાવી રહ્યા છે.
બેલેસ્ટિક મિસાઇલ દ્વારા કરાયો હુમલો
આ લશ્કરી કાર્યવાહી દરમિયાન બહુવિધ બેલિસ્ટિક મિસાઇલો, ક્રુઝ મિસાઇલો તેમજ વિસ્ફોટક ડ્રોનનો ઉપયોગ કરવામાં આવ્યો હતો. હુથી પ્રવક્તાએ દાવો કર્યો છે કે આ હુમલાઓ એટલા સચોટ હતા કે બંને સાઉદી જહાજો પર ગંભીર આગ ફાટી નીકળી હતી. આ સશસ્ત્ર હુમલાના ડરથી લાલ સમુદ્રમાંથી પસાર થતા અન્ય આશરે 10 જેટલા વેપારી જહાજોને તાત્કાલિક ધોરણે પીછેહઠ કરવાની અથવા પોતાના માર્ગ બદલવાની ફરજ પડી હતી. હુથીઓએ સાઉદી અરેબિયાને ચેતવણી આપતા જણાવ્યું છે કે જો ભવિષ્યમાં કોઈ પણ પ્રકારનો બદલો લેવામાં આવશે અથવા યમન વિરુદ્ધ આક્રમક પગલાં ભરાશે, તો તેઓ સાઉદી ક્ષેત્રમાં સીધા ઘૂસીને મોટા પાયે વિનાશક હુમલા કરશે, જેના પરિણામો ખૂબ જ ભયાનક સાબિત થશે.
બાબ અલ-મંડેબ સ્ટ્રેટને સાઉદી જહાજો માટે કરાયો બંધ
આ ઘટનાક્રમથી વૈશ્વિક સ્તરે ચિંતા વધી ગઈ છે. તાજેતરમાં જ હુથી બળવાખોરોએ યમન પાસે આવેલા બાબ અલ-મંડેબ સ્ટ્રેટને સાઉદી જહાજો માટે સંપૂર્ણપણે બંધ કરી દીધો છે. આ જળમાર્ગ લાલ સમુદ્ર અને એડનના અખાતને જોડે છે, જ્યાંથી વિશ્વના કુલ દરિયાઈ વેપારનો મોટો હિસ્સો પસાર થાય છે. હુથીઓના આ આક્રમક વલણને કારણે વૈશ્વિક શિપિંગ અને આંતરરાષ્ટ્રીય તેલ પુરવઠા પર ગંભીર જોખમ તોળાઈ રહ્યું છે.
આ પણ વાંચોઃ DA Hike: સરકારી કર્મચારીઓની બલ્લે બલ્લે, મોંઘવારી ભથ્થાના નવા દરો જાહેર
