અમેરિકામાં રાષ્ટ્રપતિ ડોનાલ્ડ ટ્રમ્પ સાથે વાતચિત પછી રશિયાના રાષ્ટ્રપતિ પુતિન એગ્રેસિવ થઈ ગયા છે. રશિયાએ આખી રાત યુક્રેનની રાજધાની પર હવાઈ હુમલો કરીને તબાહી મચાવી છે. યુક્રેનની વાયુસેનાએ રાયટર્સને જણાવ્યું હતું કે રશિયાની સેનાએ કીવ પર લગભગ 540 ડ્રોન અને 11 બેલેસ્ટિક મિસાઈલથી હુમલો કર્યો હતો. હુમલામાં 23 લોકો ઘાયલ થયા છે. કીવના 6 જિલ્લાઓના રહેણાંક એરિયામાં આગ લાગવાની ઘટના બની છે. રેલ્વે સ્ટેશનને પણ નુકસાન પહોંચ્યું છે. બિલ્ડીંગો અને રસ્તાઓ પણ ઘરાશયી થયા છે. આખી રાત કીવમાં સાયરન વાગતા રહ્યા. લોકોને રશિયાના હુમલા પહેલા જ એલર્ટ કરી દેવાયા હતા. આથી ઓછુ નુકસાન થયું હતું.
