સાઉદી અરેબિયાના બે મુખ્ય એરપોર્ટ પર થયેલા મિસાઇલ હુમલાઓને કારણે સમગ્ર વિસ્તારમાં ગભરાટ અને તણાવનું વાતાવરણ ફેલાઈ ગયું છે. રિયાધના કિંગ ખાલિદ ઇન્ટરનેશનલ એરપોર્ટ અને આભા ઇન્ટરનેશનલ એરપોર્ટને નિશાન બનાવીને કરવામાં આવેલા આ હુમલાઓમાં કુલ ત્રણ લોકોના મોત થયા છે જ્યારે ૩૬ લોકો ગંભીર રીતે ઘાયલ થયા છે. આ ઘટના બાદ સાઉદી અધિકારીઓએ તાત્કાલિક સુરક્ષા પગલાં કડક બનાવ્યા છે અને ભારત સરકાર પણ સ્થિતિ પર નજર રાખી રહી છે.
ભારતીય નાગરિકો માટે જાહેર કરી એડવાયઝરી
વધતા જોખમને ધ્યાનમાં રાખીને સાઉદી અરેબિયા સ્થિત ભારતીય દૂતાવાસે ત્યાં રહેતા તમામ ભારતીય નાગરિકો માટે એક મહત્વપૂર્ણ એડવાઈઝરી જારી કરી છે. દૂતાવાસે નાગરિકોને અત્યંત સતર્ક રહેવા, બિનજરૂરી ઘરની બહાર ન નીકળવા અને સ્થાનિક પ્રશાસન દ્વારા આપવામાં આવતી સૂચનાઓનું ચુસ્તપણે પાલન કરવા અપીલ કરી છે. આ સાથે સોશિયલ મીડિયા પર આ ઘટનાઓ સાથે જોડાયેલા કોઈપણ પ્રકારના વીડિયો કે અસત્ય સમાચારો શેર ન કરવા માટે પણ સ્પષ્ટ ચેતવણી આપવામાં આવી છે. જેદ્દાહમાં ભારતીય દૂતાવાસ અને કોન્સ્યુલેટ રાબેતા મુજબ કાર્યરત છે અને જરૂરિયાતના સમયે નાગરિકો માટે ૨૪ કલાક હેલ્પલાઇન નંબર પણ ઉપલબ્ધ કરાવવામાં આવ્યા છે.
https://x.com/IndianEmbRiyadh/status/2108190743953322235?ref_src=twsrc%5Etfw%7Ctwcamp%5Etweetembed%7Ctwterm%5E2108190743953322235%7Ctwgr%5E%7Ctwcon%5Es1_c10&ref_url=