વૈશ્વિક તેલ વેપાર અને અર્થવ્યવસ્થા માટે રાહતના મોટા સમાચાર સામે આવ્યા છે. અમેરિકા, ઈરાન અને ઓમાન વચ્ચે હોર્મુઝ સ્ટ્રેટના મામલે એક મહત્વપૂર્ણ વચગાળાના કરાર પર પહોંચવાની તૈયારી ચાલી રહી છે. અમેરિકન મીડિયાના અહેવાલ પ્રમાણે, આ કરારની જાહેરાત બુધવાર, 5 ઓગસ્ટના રોજ કરવામાં આવી શકે છે. આ કરારનો મુખ્ય હેતુ તેલ વેપાર માટે અત્યંત મહત્વપૂર્ણ ગણાતી હોર્મુઝ સ્ટ્રેટને ફરીથી સુરક્ષિત રીતે ખોલવાનો છે.
તણાવ અને યુદ્ધને કારણે તેલના ભાવ અસમાને
અમેરિકા અને ઈરાન વચ્ચેના તણાવ અને યુદ્ધની સ્થિતિને કારણે તેલના ભાવ આસમાને પહોંચ્યા હતા, જેનાથી સમગ્ર વિશ્વ પ્રભાવિત થયું હતું. જો આ નવો સોદો આખરી સ્વરૂપ ધારણ કરે છે, તો તે બંને દેશો વચ્ચે યુદ્ધવિરામ પુનઃસ્થાપિત કરવા અને અટકેલા પરમાણુ કરાર પર ફરીથી વાતચીત શરૂ કરવા તરફનું એક મોટું અને સકારાત્મક પગલું સાબિત થશે. તમામની નજર હાલ યુએસ રાષ્ટ્રપતિ ડોનાલ્ડ ટ્રમ્પના સોશિયલ મીડિયા હેન્ડલ્સ પર ટકેલી છે, કારણ કે આ અંગેની સત્તાવાર જાહેરાત ત્યાં થઈ શકે છે.
કરારમાં 60 દિવસની વ્યવસ્થા સ્થાપિત કરાશે
અહેવાલ મુજબ, આ પ્રસ્તાવિત કરાર ઓમાન અને ઈરાન વચ્ચે 60 દિવસની કામચલાઉ વ્યવસ્થા સ્થાપિત કરશે, જેને જરૂર પડ્યે લંબાવી પણ શકાશે. આ સોદા અંતર્ગત હોર્મુઝથી ખાડી તરફ જતાં તમામ જહાજો ઉત્તરીય લેન દ્વારા ઈરાની પાણીમાંથી પસાર થશે, જ્યારે અરબી સમુદ્ર તરફ જતાં જહાજો ઈરાનના સંકલન સાથે ઓમાનના પાણી દ્વારા દક્ષિણ લેનનો ઉપયોગ કરશે. ખાસ વાત એ છે કે આ 60 દિવસના સમયગાળા દરમિયાન જહાજો પાસેથી કોઈ પણ પ્રકારનો ટોલ કે ફી લેવામાં આવશે નહીં.
મોંઘવારીમાંથી રાહત મળવાની આશા
આ ઉપરાંત, બંને દેશો આગામી 30 દિવસની અંદર હોર્મુઝ સ્ટ્રેટની મધ્ય લેનમાંથી નૌકાદળની ખીણો અથવા જોખમી માઈન્સ દૂર કરવાનું કામ કરશે. એકવાર આ વિસ્તાર સુરક્ષિત થઈ જાય પછી મધ્યમ લેનનો ઉપયોગ પણ જહાજાની અવરજવર માટે શરૂ કરવામાં આવશે. ઓમાન અને ઈરાન વચ્ચે લાંબા ગાળાની કાયમી વ્યવસ્થાની શરતો નક્કી થયા બાદ ભવિષ્યમાં જહાજોની અવરજવર વધુ સરળ બનશે. આ કરારથી વૈશ્વિક બજારમાં તેલની સપ્લાય સુધરવાની અને મોંઘવારીમાંથી રાહત મળવાની આશા બંધાઈ છે.
આ પણ વાંચોઃ Assam Flood:આસામ અને કેરળમાં કુદરતનો કહેર, આસામમાં 87 અને કેરળમાં 25 લોકોના મોત
